最近進入瘋狂狀態， 心情忽上忽落的 突然其中一個男仔朋友問我結婚d野喎! 原來佢打算向女朋友求婚呢!!! 話說我認識依位人兄都有8年， 佢其實係陳生朋友， 但我地竟然又幾好傾， 好多時都會同佢傾心事 佢見證住我同陳生一齊走過咁多年 仲將會係我地嘅伴郎~~ 我亦見住佢拍拖、分手、拍拖.. 今次終於搵到個合適嘅女仔!! 真係好登佢高興!!! 而佢第一件事就想我幫手睇求婚戒指~ 我第一時間諗起少女時已經好想去的Belgium Diamond House!! 話說當年讀書時， 已經經過呢一間華麗古典嘅首飾店! 作為一個青澀而害羞的少女 當然冇膽行入去啦! 只係o係廚窗前望下d閃不到能嘅鑽戒 但心裡已經決定第時嫁一定要去依度買婚戒!! 我到依家都覺得依個係我成世女最偉大嘅志願!! 只不過實現唔到o係自己身上~~ 人生嘛就是有遺憾架啦~~ 咁就帶我好友去吧~~ Belgium Diamond House同我都幾有緣 少女時已經見過 早幾年返尖沙咀工時佢正正o係我樓下! 依家就搬左去銅鑼灣皇室堡~ 門面依然古典又有氣派! 所有擺設係睇得出花左好多心思， 好似將古代嘅比利時搬左嚟香港一樣! 唔知大家以前有冇去times square高果幾層呢~ 講緊係10年前... 有間玻璃飾品店每日都有個老外伯伯表演吹玻璃!! 而Belgium Diamond House就有專業師傅o係店內工場鑲鑽石! 可以幫客人即時鑲嵌! 好高級的服務! 店內有師傅，亦唔少得專業器材即場檢驗鑽石 保證優質~ 雖說今次我只係陪朋友嚟睇， 但我自己都忍唔住要試上手呀!! 每一隻戒指都好似藝術品一樣咁精緻! 一入店內就有一d 羅馬柱裝置 原來上面放左不同系列嘅鑽戒模型供試戴! 怕醜的人可以先o係依度試下先~ 睇o岩再埋去搵店員幫手~ 其中一個系列好有意思 -- Abrazo de Tango 以阿根廷tango為設計概念， 注入擁抱、阿根廷紋飾及探戈音樂三大設計元素 指環形似一男一女的tango舞者浪漫纏綿~ 系列既有求婚戒指亦有對戒， 每一隻鑽戒都鑲嵌代表男士嘅正方形鑽石，以及代表女士嘅圓形鑽石 試戴求婚鑽戒，質感真係好實在呢!! 店員接著介紹巴洛克音樂家系列 全部以巴洛克時期古典音樂大師命名 設計古典瑰麗 指環設計一絲不苟! 通花紋理清晰 即使整污糟左，Belgium Diamond House都會免費幫你清潔~ 再嚟就係十七世紀巴洛克藝術為主題嘅 La Collection Baroque系列 極具歐洲藝術文化風格! 造型係咪好似皇冠呢~ 依個系列係以比利時公主及皇后稱號命名! 所以別具皇室華麗氣派! 淨係話俾個女仔知個戒指名係以公主命名都好sweet啦~~ 即係話俾佢知你就當佢係公主一樣!! 依隻蝴蝶令人愛不釋手!! 戴左唔捨得除返落嚟! 造型已經滿分，加上細緻手工， 用嚟求婚我覺得係必勝!! 另一特色就係以維多利亞時代貴族服飾中， 果層精緻層疊通花圍領為設計， 係古時貴族另一種身份象徵! 除左圓形指環，依度仲有方形!! 華麗中帶點剛強， 有性格! 唔好見佢個款咁誇張， 其實可以拆開中間果隻出嚟當簡單款式呢! 依個設計真係好有心思! 出席盛宴就戴全套， 平時就可以只戴中間果隻~~ 睇完幾個系列 朋友仔都大約知道點做啦~~ 指環款式之外， 講誠意當然要揀返粒美鑽啦~~ Belgium Diamond House都好老實地明碼實價 等大家心中有數! 再按自己budget去揀吧~~~ 下一步就係幫佢諗下點樣求婚啦!! hohohohohoo~~~
