今個星期真正感到轉季~ 好凍呀!! 依日就換上秋冬裝， 開開心心出席SOFINA秋冬美肌工作坊~~ 為肌膚轉季做好準備啦~ 活動地點係金鐘的SOFINA training centre 甫入場地就見到SOFINA, curel, kate, 同埋liese counter~ 仲要放住SOFINA最新AUBE彩妝!!! 睇到我心心眼呀!! 依度好大，而且設備齊全! 靠牆有長長的洗面地方 中間的枱上放滿SOFINA護膚及化妝品 AUBE秋冬妝物又出現!! 姐姐請大家先清潔面仔 由於早上我要返工, 所以有化少少妝 要落埋妝~ 同時試到早前推出的cushion洗面泡泡! 用個網擦擦擦就可以變出豐盈泡泡，好玩! 跟住就做肌膚測試~ 原來依部機係全新到港! 比日本更先於counter為客人服務~ 照完之後個report有d似紅色品牌果個呢! SOFINA嘅係有6個item! 藍色線係同齡人士的平均值 我年紀都有返咁上下，除左皮脂差d外 好在其他都合格!! 竟然循環不錯呢!! 可能因為我每日都按摩掛~~ 洗完面返埋位， 另外的BA姐姐分派沾滿活膚精華露的化妝棉 先用來拍全面 再派發多2塊敷面豬~~ 仲教我地拉一拉塊棉變U型， 可以敷埋眼肚~ 補充洗面失去的水份 等候期間不斷播放AUBE秋冬彩妝廣告!! 盒子設計閃閃的，好襯x'mas! 而且一盒有哂eye shadow同lip gloss 擺位已經教埋你點塗 初心者都會識用! 盒子仲要附有伸縮唇掃~ 實在太方便!! 正式開始啦~~ 由SOFINA Marketing Director講解 SOFINA品牌發展及SOFINA beaute高保濕抗老化護理系列~ 包括活膚露、高濃度活膚乳液、防曬乳液 其中高濃度活膚乳液更加係日本熱門網站獲得乳液部門No 1大賞!! 當然唔少得介紹秋冬新品 高濃度W雙效抗皺精華素~ 有別於一般collagen護理， 集中修補彈力線狀纖維同時促進膠原蛋白 特別針對面部鬆弛、法令紋、細紋等老化現象! 踢走倦顏~~ 秋冬化妝都要轉季~ SOFINA底妝用品一向都係熱賣item 早前推出的Moisture Coat Base 令妝容貼服同時潤澤肌膚~ 日本著名化妝師及雜誌都十分推介! 至於Designing Jewel Compact更加係首個品牌 用眼形擺放盒內每格的分佈! 令每位女生都可以輕鬆化妝~ 今年更加推出4個色系+2款盒子! 可以自由配搭出8個組合~ 一黑一白的盒子更各自有代言人!! 好認真的marketing! SOFINA 請來日本SOFINA supervisor井上晶子老師 為大家講解全新美肌導向儀及秋冬護理分享! 原來SOFINA係首間設置美肌測試儀器的美容公司! 睇下由80年代開始到依家的美肌儀器進化， 今次依部纖巧得多~ 美肌導向儀能夠短時間內了解客人肌膚狀況 綜合分析肌膚6大指數， 包括肌膚紋理、膚色、黑色素狀態、血色、透明度、肌膚橫切面圖 6個指數同SOFINA美肌定義(持久水潤、富彈性、有血色帶透明感) 有好大關係! 請出BA姐姐做示範~ BA姐姐好後生而且皮膚超好! 井上老師先輸入年齡，然後用儀器鏡頭部 在BA姐姐左、右面、額頭、下巴、眼角咀角各按一次 每一下都影低3張相，將肌膚放大50倍!! BA的色素及彈力有非常好的成績!! 代表透明度果幅橫切面圖平均4條線佢就有6條!!! 這就是青春啊!!!!! (崩潰) 小休後再來溫習SOFINA的美肌定義~ 只有BB先擁有終極美肌，因為佢地冇受紫外線、天氣乾燥、冷氣等因素傷害~ 每個人到左不同年紀都有不同的秋冬護膚煩惱 大家玩緊咩?? 井上老師叫大家拎住塊鏡 先向上抬頭望 -- 依個係5年前的樣子=_= 然後向下望-- 依個係5年後的樣子=____= 天呀...超老..... 所以請大家盡早做好抗衰老護膚呀!!! 井上老師講解每個年齡階段皺紋的進化... 提醒左我唔可以"鬆弛"落去啦... 當中要特別關注彈力線狀纖維， 唔可以只顧膠原蛋白， 因為佢先係保持肌膚彈力的關鍵!! 請出blogger做model~ 井上老師先用活膚精華露沾滿化妝棉! 老師提到一定要沾滿一整塊先有用~ 然後拉一拉邊位成U型， 連眼肚一起敷~ 然後塗上高濃度精華乳液! 女人嘛生出來就係要對抗地心吸力! 所以塗護膚品務必要努力向上!! 做好lifting! 老師提醒大家要用手指2節位去按呀拉呀先得架~ 然後就到高濃度W雙效抗皺精華素! 我發現井上老師每次都會將護膚品點於2邊面、額頭、鼻及下巴 然後搓搓雙手先至按摩面部 相信咁樣可以令到血液循環更好~ 眼部都要塗呀! 記得用最冇力的無名指~ 仲有原來塗眼部產品都要向上望~ 虎紋都要塗架~ 然後敷eye mask~ 眼睛要向上望，跟住貼上eye mask~ 黏力好強的jelly mask! 撕走佢時要小心~ 最後就要塗防曬! 原來SOFINA防曬連眼都可以塗! 面同頸都要好好對抗紫外線的傷害! 井上老師仲教大家放鬆肩部的動作~ 一起做個健康美人! 實習時間~~ 精華露用手按面~ 坐左咁耐冷氣房都要補充水份的~ 敷eye mask係最期待的!! 塗埋防曬大家可以自由使用彩妝~ 我依d唔化妝唔見得人的梗係化啦.... 本身已經用緊SOFINA濕/乾粉 今次試埋concealer，又ok喎! 都幾貼同潤! 咁又梗係要試埋2012 Christmas魔法彩妝寶盒啦~ 一手拎起一到場已經睇中的啡色~ 化返個大眼妝先! 今次係第一次使用SOFINA eyeshadow 顯色度同貼服度都不錯! 閃得嚟唔太誇，而且附有上下眼線粉! 去旅行帶少好多野呀! lip gloss亦出奇地潤，先用最底果格打底 然後塗上中度粉紅色果格lip gloss 效果亦好持久! 終於稍為見得返人.. 走之前同井上老師合照~ 多多指教~ 晚上返到屋企都冇乜脫妝， 係個鼻有少少油~ 還好啦~ 今日真係收獲豐富!! 每位出席的blogger都得到一份厚禮!! 非常感謝SOFINA!! 下次同大家分享內裡的東西啦~~ 想知更多，請到 http://web.sofina.com/hk/beaute/ http://www.facebook.com/whitericebeauty
