上星期六，趁未夠鐘出席BLOGGER EVENT，先去CWB快閃一下! HYSAN都開左一個月，其實我未認真行過 路過本來都冇諗住入去，但其實我又未諗到去邊 眼尾又瞄到地面果層係BEAUTY，於是就無意識地行左入去 其實都好出奇，明明個個都爭住去HYSAN朝聖， 仲要係星期六，應該好多人 但果層真係少人到你唔會信係星期六嘅CWB!! 仲好~唔洗同人迫慢慢睇~ 行行下兜到BOBBI BROWN COUNTER 無意識地望緊有咩新野啦 跟住BA姐姐就叫我試下上面喎 咁好啦我又未夠鐘，於是坐低試試 點知就出事啦!! 最後買左CONCEALER、2 WAY CAKE、TINTED EYE BRIGHTENER 仲有最新果個BASE 以前都有用過bobbi brown concealer，千年黑眼圈實在唔係隻隻牌子都夠coverage去遮瑕! 而bobbi brown就夠哂coverage，不過好耐冇用， 依家好似都唔係以前果個上下層concealer連碎粉款式啦 變左一個單品! 姐姐話質地滑d冇咁厚身 首先全面用Illuminating Face Base，眼部就輕輕帶過 上concealer之前先用TINTED EYE BRIGHTENER打底，均勻眼部膚色 下圖左邊眼有用右邊未用，明顯左邊眼提亮左好多 然後印上concealer，都遮到9成多 是日用liquid eyeliner畫眼線，越畫越粗=_= 最失望係佢個2 way cake! 盒內附送嘅sponge質地麻麻，唔係好沾到粉 唔知係個base出事定點，個粉有d浮，仲要勁出油啊!! 依個真係冇下次啦! 而佢個illuminating face base，質地較潤，冬天用會好d! 依家用會出油呢! BA姐姐講我先知，原來hysan地下果層beauty係DFS 所有BA可以自由去不同counter 當佢完成試妝後遞上卡片，原來佢係SHU架喎! 我好少去尖咀DFS，唔知果邊係咪一樣呢~ Eye Concealer小分享 以我使用concealer都有10年經驗，真係用過唔少牌子! 由開架平貨到專櫃乜都有~~ 分享一下吧~ Bobbi Brown 對我嚟講bobbi brown coverage都算係頂尖! bobbi brown concealer可能始終較厚身，貼服度一般， lunchtime左右就有機會現眼紋，要補補粉啦 Shu Uemura 如果講貼服度，我鍾意shu uemura point cealer多d! shu point cealer全日都唔會現眼紋!! 而且coverage都唔錯! 質地又夠薄亦唔會太乾 一般品牌都只有2隻色，而shu就有4隻色，多d機會搵到近似自己眼部膚色 Laura Mercier 之前都有用過laura mercier，質地同bobbi brown近似， 較滋潤，但厚得嚟coverage冇bobbi brown咁好 所以後來都放棄左佢啦 ZA 依隻比上面所講的品牌較liquid，相對質地冇咁厚， 除非好熱，基本上都唔會現眼紋 中度coverage，最緊要係平!! 好似HK$80左右，總之一定HK$100有找~~ 已經有不錯效果~~仲想點先~~ 我都不斷回購用左好多支啦~~ IPSA 從前用過一盒4色果隻concealer，方便調配自己的色調 但我覺得好麻煩，而且太乾，唔係好o岩我用呢! Make Up Forever 好耐之前用過，係有史以來最把鬼concealer! 完全冇coverage!! Juice Beauty 有d似ZA的質地，有機的，但我竟然敏感了....冇野好講... Chanel 質地近似ZA，質地薄而夠潤，coverage其實都唔錯! 後來用用下唔知係佢令我敏感定係我自己發敏感，就冇再用啦 暫時記得咁多，諗到再分享吧! http://www.facebook.com/whitericebeauty
