上星期五打風，唔單止影響假期已經plan好嘅活動，仲差d吹走埋我期待已久嘅u beauty x shu uemura blogger workshop呀~!! 好彩當晚活動7點開始時仲未掛8號風球! 活動如期舉行~果日特登準時放工，車轆腳爆出位於銅鑼灣參加workshop!! 奈何我工作地點過份鬼域，成粒鐘先至出到去…再由mtr競步去禮頓…氣喘到呢 活動人員剛好7:01pm打俾我，我就到左果度lobby等lift中~哈哈~ 去到好多bloggers都已經早到了，我係尾二…各位可以準時收工真係好羨慕呢 所以我嘅座位被安排左去後面，雖然離demo遠左少少，但我個位係獨立化妝枱，又不錯喎~ 化妝枱既有燈，仲有齊shu uemura化妝品、化妝用具，仲有一系列護膚品~~ 呵呵~~可以一次過試哂~ 活動開始就由shu uemura嘅Regena老師簡單講介品牌歷史，仲有最新產品情報! 大家對shu uemura應該都唔會陌生，最出名就係佢嘅hero product 卸妝油! 我對佢嘅認識亦係由卸妝油開始~ 今次係第一次聽品牌歷史呢 不得不提，當然係shu uemura嘅卸妝油啦~最近推出全新ultime8琥珀活肌潔顏油，含有高濃度琥珀賦活能量精華，為肌膚密集修護，一次過提升彈性、高代謝、剔透、光澤、滋養、細緻、柔滑、水潤! 一向都比較少留意shu uemura嘅護膚品，今次介紹即刻清楚哂! 當然唔少得另一皇牌妝前泡沫底霜嘅介紹啦~ 仲清楚指出點樣正確化出透薄底妝tim~ 今晚主題係friday look! 重點係眼部化妝~用上全新鑽閃眼影，有5種不同質感 ( 鑽閃GLITTER / 啞光MATTE / 珍珠 PEARL / 彩虹 IRIDESCENT / 金屬 METALLIC )，創新絲滑質感令閃亮粒子緊貼眼蓋不易脫落，絲紡技術令閃亮程效果大增! 而且有成89種color俾你揀呢~~ 可以做出好多好多配搭呀~ 咁多顏色，就係想俾大家星期一至日，每日都可以造出不同效果~ 天天都美麗動人~ 咁點樣打造friday look？最緊要係迷人眼妝啦~ 今晚由Cherry老師& 好sweet的model 為大家示範綠色眼妝~ 第一步就係用妝前泡沫底霜，造好底妝!只要擠出乒乓球大小，用sponge輕輕擦上全面 然後用同樣方法塗上粉底液，再用遮瑕液遮眼圈、眼袋作重點遮瑕，想遮眼圈就由眼尾開始，想遮眼袋就由眼頭對落開始~ 完成後撲上乾粉定妝 . 跟住就上eye shadow~ 由於我太遠~實在睇唔清楚有邊幾隻色~哈哈~~ 總之就係深綠色開始~ 全新嘅eye shadow仲可以用嚟做漸變，同埋眉凹陷位做highlight 於下眼尾位塗上深綠色eye shadow變大眼~ 跟住用限量版眼線筆畫內眼線~要輕輕拉起眼皮~用埋最新的xtreme極纖增長防水睫毛液，獨特刷頭設計對應返眼睛弧度，非常易用~仲有全新染眉膏、限量版閃爍眼線液畫下眼線點綴一下，搽埋全新rough unlimited唇膏~完成!! 好啦~~到自己試下啦~~可能係shu uemura太多顏色，好多野都要大家share用我同隔離位的blogger share以下化妝品 第一件事，就係先卸妝啦~ 咁多款卸妝油都齊哂，梗係要試下最新嘅ultime8琥珀活肌潔顏油啦~初頭都驚會搞到流落頸，好在有大會準備嘅化妝棉! 倒濕佢抹全面後，噴水落塊面等佢乳化，再用佢地準備好嘅濕棉花抹乾淨就可以啦! 超快超方便~ 依隻琥珀潔顏油同其他款式唔同，我差不多隻隻都用過，唯獨是依隻冇一陣油味，而係清香~用完塊面仲好補濕唔會乾! 真係唔怪得佢貴D!然後要搽返D護膚品~用左紅萃能量活肌系列，對更生名抗氧化有幫助，O岩哂我依D中女用~ 之前都只用過shu嘅化妝品，今次係第一次體驗護膚系列!特別欣賞支lip balm!! 我個咀唇長期甩皮! 用完超潤! 我之後仲走去買左支!! 搽哂護膚品，就用BB妝前泡沫底霜，係新COLOR呢!! 既可以做BASE亦可以就咁用~~方便!!我個人太倫盡..係咁跌野又不知所措咁款~~好明顯我擠得太多...仲想用手搽tim...Cherry見狀馬上埋嚟幫我~~ 原來只需要用我手上一半嘅份量就夠啦! 用太多會乾! 咁我終於明白點解以前咁乾啦~哈哈~~上完依個泡泡base，就用concealer遮我千年黑眼圈唔算好liquid，但又唔會太乾，都易印開，有4隻色揀tim! 由於個bb泡泡都有少少coverage，我就唔再上liquid foundation啦~ 直接撲粉~面對我地枱上咁多eye shadow，實在好迷茫! 於是請cherry幫我揀色，佢幫我揀左紫色!可能我真係太倫盡，cherry就提出幫我化一隻眼示範一下~先用深紫色塗眼蓋，再用淺紫色疊住深色邊緣塗上去眼窩，做漸變效果 跟住我就自己化另一隻眼，都ok掛~~~~至少冇鴛鴦色啦~~再用埋creamy色做highlight、眉膏畫埋眉 friday night好似應該閃d，咁就用埋金色限量版閃爍眼線液，依支係Regena老師激讚!支掃又真係幾易用，效果都不錯呀~~ 再用xtreme極纖增長防水睫毛液，個掃好O岩眼型，唔會搞到眼皮都係! 上埋blush~ 唇膏~~搞掂~~我鍾意唇膏隻色呀~!! 跟住大家合照，車轆腳返屋企了~~打大風呀~~~返到屋企再睇真d，隻紫色真係不錯~~ 質地好滑呢!而且個bb泡泡base好o岩夏天用! 係時間回歸shu嘅懷抱啦~~ 今次活動每位blogger都得到小禮物~ 多謝shu uemura同埋u beauty呀~~ 袋入面有咩野呢~？下次同大家分享一下啦~ 想知更多~ 請到 http://www.shu-uemura.com.hk/ 快來LIKE我FAN PAGE參加抽獎啦~http://www.facebook.com/whitericebeauty
