繼尋日同之前O係莎莎敗左D化妝品…今日仲大WOK… 之前唔記得邊度登記左MIOGGI優惠價$188 FACIAL，送50ML生命水~~ 今晚放工就仆去德福分舖做，做完實俾人SELL，亦都預左…所以先話今日係激敗!!! 算啦，反正不再住香港島，都要o係九龍搵過架啦… 好啦，講返之前買嘅妝物先，今日拎出來試用!就係BRTC Jasmine Luminous Base + 同系列粉餅! 再加ParaDo eyeshadow & Canmake blush! BRTC賣點係"補濕"，BASE係幻彩紫色，易推，但冇想像中咁補濕…上完面係有少少光澤，冇咁黃 然後上粉餅，不過偏白…又唔知係咪我今日皮膚狀況衰，好浮，一D都唔貼…之前O係莎莎試上手明明好濕架喎…真古怪…隻色亦偏白…張相都費事PO出嚟… 跟住到ParaDo eyeshadow出場! 由左上格開始，整個眼蓋打底，然後用上右格塗眼尾1/3位置 然後用左下格貼近眼形畫眼線加大眼睛，用眼影掃沾右下格，輕輕塗於上眼蓋中間打造立體感最後畫內眼線+MASCARA，完成! 哎…搞完都知衰架啦…勁浮粉…想救都救唔到又趕時間…照返工去了…究竟出左咩問題呢…聽日我會再試!!依個粉餅非常唔持久亦唔防水…返到公司已經溶哂…但個BASE應該好D，冇出油! 聽日試下重手D先 講返敗家實錄，放工想去快閃買CONCEALOR，路過SKINFOOD就入去望下啦，咁就中招啦!!!買滿$600送貨裝EYE MASK+美白sample kit! 姐姐額外加送royal honey sample俾我~好地地睇CONCEALOR，姐姐又話另外有專係眼部用的碎粉…於是要埋…又話買滿$600送野兼做VIP，於是買左2支甲油同埋royal honey營養霜，就搞成咁樣…仲有見FASHION & BEAUTY送PAUL & JOE化妝袋~又買埋!!! 天呀~~~~要收手了~~ 提提各位，我有莎莎共3萬分可以換購! 有興趣就最遲聽日留言俾我啦~~
