前個星期見FACEBOOK有個AD，Lancome舉辦魅力櫻唇化妝教室!仲講明完成活動後可獲贈眼部卸妝水(30ml)+迷你Juicy Tube唇彩! C9冇可能放過依個機會啦~!!! 馬上登記!!! 揀左Popcorn分店~ 可能依間分店太少人揀啦，所以抽中左~~呵呵~~ 前幾日收到男BA打嚟話我知抽中左~ 近期工作上非常之不順利…依個電話稍為令我高興左少少!! 依度要讚一下LANCOME依個活動有寫明你登記邊日就邊一日會打電話你通知抽中左! 平時其他活動都好少講到咁明，由得你等，好可憐架嘛~~ 等到變石頭都唔知自己落選啦~ 今次唔係blogger活動，冇特別影相~ 一去到BA哥哥就招呼我坐O係化妝枱前，我仲以為係一班人咁上TIM! 原來一對一架喎! 佢慢慢拎D用具同化妝品出嚟，又慢慢幫我卸妝，手勢超輕柔! 咁個活動叫做"魅力櫻唇化妝教室"，以為係只會教你搞個咀，9秒9玩完走得果隻 原來係教你化全妝，或者化妝有咩問題都可以問，由於我完全唔知係咁樣嘅一個化妝咨詢服務，所以啞左! BA哥哥就係咁問我平時有咩化妝問題呀，又睇下我當時個妝，講下可以點樣改善~ 突然我就想起平時買埋咁多eye shadow，除左跟佢盒底指示去化，仲可以點用呢？ 佢就用大地色系示範，教我先用淺色打底，再用深色果格O係眼尾1/3位置輕輕塗上，再用依隻色輕輕塗於下眼尾約1/3位置，依次要幼D啦! 最後用閃或珠光白色塗於眼蓋中間，咁就可以做到立體啦! BA哥哥仲教我要上深色後上淺色，個妝就會乾淨D! 然後又示範畫內眼線，我對於畫內眼線好有障礙…但經佢示範又OK喎! 佢仲教我點樣上blush自然D，佢用果隻係一盒有幾隻色果隻，全部掃哂，就由面豬中間開始印上眼角位~ 之前未用過依種幾隻色混合嘅blush，一試愛上~~ 大半個鐘後完成~ 送上說好的小禮物~HOHO~~ 活動未完架! 有興趣就快D去登記： https://www.facebook.com/?ref=tn_tnmn#!/lancomehk 然後路過莎莎，唔小心入左去行，敗左2樣野! 左邊係Canmake疑似BA哥哥幫我用果隻blush，右邊係ParaDo eyeshadow，仲送埋blush~~~ $5X 咋~!! 抵~!!!! 其實我有好多粉紅色系eyeshadow，不過唔係每盒每格都鍾意，但依盒每一格都好靚~ 係支棉棒粗左D，難畫眼線! Canmake依款blush都好閃，個掃就唔好太大期望啦~~~ 好彩佢隻色唔係好深，所以個掃照用~ 原來我張VIP卡有成3萬幾分6月要用哂! 都唔知換咩好，全部都要$$!你地有冇野想換？有就27/6前話我知啦!
