唔知大家覺得Angelababy點呢？ 有D人好唔鍾意佢，話佢整容，有D就話佢用自己個樣搞餐廳好變態…我覺得其實佢都幾靚呀~ 所以當我同人講想去Baby Cafe，就俾人話我宅、反我白眼、miu爆左… 連我條佬都唔理我…仲唔肯講"Angelababy cafe"，要講暗號 "ABC"…好似好驚俾人知佢講依間野咁… 之前o係facebook大叫好想去baby cafe，終於有知音人陪我一齊去啦!! 不過我地2條傻婆完全唔記得左星期五嘅尖咀係何奇多人! 完全唔記得早D book位，早一日打去都full左，唯有放工9秒9逃離現場去等位啦! 我拎飛61號，叫緊12號…但為左今次約左成個月嘅少女之夜，決定等!!!! 最後等左1個鐘，都算係咁啦!Isquare有幾多野行大家都知架啦…所以門外等位嘅人都係影下相打發時間! 在此奉勸大家，千祈、千祈、千祈唔好企O係baby燈箱前等位! 你將會成為人地相中一人 (人地未必想囉)，或者俾想影相嘅人咒罵你食玻璃大都唔好啦~ 佢個登記位本來放左D卡片，唔知係咪因為有Angelababy個樣，轉眼間俾人拎哂!! 好彩我一早拎左~哈哈哈哈~~~好有儲閃卡FEEL!! 依間店有特色波波座位，我估要4位以上先坐到，不過我就鍾意其他位多D，依舊野好古怪…仲有有得揀都唔好坐近落地窗果個，實俾人影到相! 不過好難有得揀，因為實在太多人等啦! 場內牆上有好多個digital frame不斷loop baby相! 有咩人去呢？其實後生仔、中女、情侶，一家大細都有! 亦有疑似組團朝聖嘅宅男… MENU都冇理由唔用佢個樣，睇埋佢MENU內容： Angela + Baby!! 佩服諗果條友呀下!! 其實唔算貴，有湯/SALAD跟MAIN COURSE，不過飲COFFEE要加$8，所以我都唔知佢本身究竟送咩DRINK 個忌廉湯未至於好稠，似沖，加左一督黑松露係幾香O既 好愛依個牛角包!! 暖粒粒軟棉棉~~~ LIKE!! 我地個位頭上有盞射燈…搞到D相咁…其中一個main course係Angela三食：火炙鮭魚腩、鵝肝野菌意大利燴飯、炸雞，另一個係香辣白酒蜆肉意大利粉 一早已經諗定左甜品~ 就係~~海綿蛋糕!! 仲有玫瑰唔知咩咩芝士餅~~ 真係好靚呀~!!!!海綿蛋糕有少少似cream cheese，跟一舊青檸sorbet，好清新~ 玫瑰唔知咩咩芝士餅賣相已經令人想尖叫 "KAWAII~"!! 上面果個粉紅色波係玫瑰味棉花糖，底下係一舊玫瑰味疑似yoghurt外層，仲有macaron做裝飾，內裡係cheesecake，外圍佈滿一粒粒玫瑰味jelly~~ 雖然係幾滯，但好好食~~ Baby Cafe由室內裝潢、Menu、食物賣相，甚至服務都好好! 我地一早落左甜品order，食完main course係咁傾計，個姐姐會主動同我地講不如上埋甜品，仲話驚我地唔記得TIM! 而且所有姐姐都好好笑容又有禮貌! 完全冇因為咁多人等位而燥，好難得! 今次2個set + 2個dessert，合共約$400，OK啦~~~ 是次少女之夜非常滿足~~~ 而且估唔到D野食都OK! 我認為可以再去~! 再戰甜品~!!
