近期工作不順，weekend已見email話有突發事件，今日要一早返去開會 (點知都唔洗我開…)再加大把野要做…灰到不得了啊 放工已經係8點幾，異常抑鬱之下，路經德福唔小心大敗一番!!! 首先係去左covermark換領粉底sample…依種sample我永遠冇心機用…咁即係想我試咩呢？跟住去Shu uemura，之前FB登記左 "植村秀送您10分鐘東瀛自然大眼妝體驗服務及免費獲贈星級產品試用裝3份"我滿心以為同Lancome差不多做法，坐底玩10分鐘化妝，點知姐姐見到換領信只係轉身拎果3份sample俾我就算…講都冇講下什麼大眼妝…同Lancome相比真係輸哂!! 跌哂眼鏡啊~~~~~~~~~~~~~~~~~~ 算啦，反正今日不太有心機，就當姐姐放我一馬吧!! 尋日落樓下散步去莎莎睇VIP分可以換乜，手多多試左BRTC個粉 (唔關積分換購事…)，一試愛上依件聲稱充滿水份嘅粉呀!! 今日去德福分店睇，仲有埋珠光BASE，$168左右都算幾大支! 聽日就用佢先~~希望唔會出油啦! 至於個鼻膜同EYE MASK呢，就係埋單時唔小心俾姐姐SELL到… 鼻膜$20/10塊，EYE MASK來自台灣，好似$99/30對，見唔係咁貴又敗左… 返屋企即試!! 鼻膜係黑色炭果種，用BIORE一樣，濕鼻後貼上，等佢乾哂就MIT出來唔知係咪我整得唔夠多水，好似唔係好夠力，只"痴"左少少 眼膜就係以中藥成份製成，有少少味，好似霸王SHAMPOO咁，不過原來佢係我唔多LIKE的果種JELLY膜…我鍾意充滿精華果D PAPER MASK多D但係又估唔到真係退左少少黑眼圈同眼紋! 又即管日日用下先 點擊圖片放大 呀仲有~ 今日見到BLOGGER話JESSICACODE送BENEFIT妝物，又俾我O係公司樓下買到~~ 聽日試埋~~
