今日非常好天，突然掛念起台灣…3月時再一次飛左去台灣睇蘇打綠演唱會，順便去左個5天小旅行﹗ 依個由上年年底一知道會有演唱會、跟住緊張地參與一個嶄新嘅購票系統、再到安排由演唱會而附帶嘅小旅行，期待左好幾個月，果5日真係好開心﹗﹗﹗ 原本係諗住搵我阿妹一齊去睇，2009年果次都係佢陪我去din，不過今次佢話要留返4月同個朋友仔去高雄所以唔去﹗最後我向陳生埋手，好彩佢都肯陪我去~~仲提供asiamiles換機票﹗ 出發前仲聽定哂蘇打綠D歌做好功課tim﹗由於佢2月中先由歐洲返來，都冇乜時間搞行程，所以佢將所有野交哂俾我去計劃，而佢嘅要求係不能太趕，要夠HEA﹗ 如果要夠HEA，就只能精選一D極之想去嘅地方，冇時間亂行去搵野食，最後就出現以下行程： Day 1 - 桃園機場>機鐵去台中>一中街商圈>逢甲夜市 Day 2 - 包車去九族文化村One Piece展>包車去清境 Day 3 - 清境農場 Day 4 - 包車去台中>高鐵去台北>西門>Zoom-in (忠孝敦化站)>小巨蛋蘇打綠演唱會 Day 5 - 陽明山賞櫻花 今次其實都冇乜時間同地點去shopping，但我竟然機上買左野喎﹗﹗﹗ 遺憾地，今次其實都冇乜時間同地點去shopping，但我竟然機上買左野!! 包括之前介紹過的Cathay Pacific agnes beaute kit、Lancome Rose Edition Complete Make-Up Palette、Anteprima小手袋~ 真係痴左線~~agnes beaute kit試用過、Anteprima小手袋亦都已經拎過去飲，就欠Lancome 未開封~ 手上仲有好些妝物要用，就先排一下隊~ 下回分享台灣小旅行的資料~
