"神仙水"你會諗起咩呢？ 即使未用過嘅你都應該會即刻舉手搶答 "SK-II!!!!" ~~ 相信大家同我一樣對SK-II一D都唔陌生~ 對我嚟講SK-II之所以咁深印象，係由早年一個TVC開始! 當時嘅日本代言人尋訪釀酒師，帶出SK-II當初偶然發現日本釀酒師都擁有幼嫩雙手，於是開始對酵母進行研究，搵出"Pitera"依種天然成份，從此為眾多女性帶嚟光亮剔透肌膚~ 好似雞蛋咁滑~~~~~~~~~~ 除左護膚系列之外，SK-II 喺2011年帶嚟鄗突破，首創SK-II COLOR彩妝系列，全部都含有Pitera，令化妝同時護膚，成為護膚步驟嘅最後一步! 唔單止請嚟我好鍾意嘅女神Angelababy代言~~~原來每個形象都係由台灣嘅Kelvin老師一齊設計架呢!!! 打造出一個又一個以透亮為重點嘅妝容! 今次有幸可以參加 "SK-II COLOR春夏晨光彩妝秘技教室"真係好開心呀~~~! 而且係我第一次參加blogger event~ 哈哈~~大鄉里出城咁款~~ 教室場地喺銅鑼灣恩平道一間makeup studio舉行，落地玻璃透入自然光，大會仲準備左finger food同飲品大家~~ 好貼心~ 即刻飲返支lemon juice美白排毒先!! 化妝枱上已經放好哂一系列SK-II COLOR產品，包括： Clear Beauty Eye Shadow (共 6色) Clear Beauty Blusher (共5色) Clear Beauty Moisture Lipstick (共8色) Clear Beauty Lengthening Mascara (共2色) Clear Beauty Liquid Eyeliner (共2色) Clear Beauty Eyebrow Liner (共2色) SK-II PR Flora簡單講解品牌歷史同活動內容後， 就請出我覺得好似熊黛琳嘅SK-II 化妝師Bonnie教大家春夏晨光透亮妝啦~ 一齊化個女神妝啦~~ 先由Eye Shadow開始~ 依個系列嘅eye shadow都以Color x Skincare 獨特2-step設計，每盒都有2格，左邊果格係Pitera-in Creamy Base，就好似眼霜一樣保護眼周柔嫩肌膚，防止乾燥，亦都可以令眼紋變得不明顯。右邊果格有一深一淺色嘅"光澤彩妝層"，透亮色彩以及光澤粒子可以遮蓋眼皮嘅暗沈色素，真正結合護膚及耀目眼妝! 今次demo用嘅係71 Celebratory，充滿春意嘅翠綠色! Step 1: 用最左邊果格Pitera-in Creamy Base推勻整個眼皮，即是雙眼皮位直至與眼眉之間嘅凹陷位 Step 2: 用最加邊深色光澤彩妝層塗於眼尾3角位，要貼近眼型去塗，唔好超過雙眼皮位 Step 3: 用眼影掃將淺色光澤彩妝層塗於Step 2之上及眼頭至眼皮中間，營造漸變效果 Step 4: 將深色光澤彩妝層由眼尾開始畫出下眼線，畫到眼中間就OK，夠自然~ 跟住就畫眼線 (E20 Camel Brown啡色) 選用啡色令春夏妝容散發自然氣息，Bonnie老師仲話想對眼大D可以畫外眼線， 眼睛已經夠大畫內眼線就自然D 之後夾睫毛再塗mascara (M10 Onyx Black黑色)，記得要以Z形由根部開始塗，咁就唔怕唔夠翹~ 值得一提係依支mascara除左含有Pitera之外，仲有維他命原B5同維他命E複方，令睫毛強韌不易脫落~ 眉筆(B10 Grayish Black黑色)雙頭設計，先用刷果邊刷好眉毛，畫完再刷多次，咁就又整齊又自然~ 跟住到Blusher~都以Color x Skincare 獨特2-step設計，每盒都有2格，左邊果格係Pitera-in Creamy Base，保護肌膚防止乾燥，同時令肌膚睇起嚟更細嫩。右邊果格嘅"光澤彩妝層"可以提亮面部增加透明感! 而且可以印喺眼肚令黑眼圈冇咁明顯~ 用嘅時候笑一笑，喺蘋果肌輕輕打圈，想塊面瘦D就塗斜線 (都要打住圈塗)~ 最後就塗唇膏啦!! 唇膏中心部份係充滿Pitera嘅Creamy Base，滋潤雙唇同時減淡唇紋，外層係光澤彩妝層，打造立體感~ 如果有唇紋，可以打直沿著唇紋去塗~ 完成後再喺唇部中間塗多次，性感度大增~~ 以後唔洗又搽潤唇膏又lip gloss，一支就可以令你擁有潤澤嘅迷人唇妝啦~~~ Demo完成後的model，化左妝果半邊面明顯比另一邊提升左! 唔通係Pitera嘅神奇功效??? 我地成班blogger馬上埋位親自試下! 今次活動要求我地盡量素顏出席，咁就可以盡情試啦~~ 而且又有SK-II BA協助，自己搞唔掂都可以有人幫手~ 我出門前只係搽左防曬base，BA姐姐幫我用SK-II 絲滑無瑕修護粉底液 (真係估唔到有準備粉底~)， 揀左試紫色eye shadow (21 Secret)，Pitera-in Creamy Base質地好滑，而且令到顏色更突出! 我怕自己用得唔好，所以請BA姐姐幫我搞好半邊面先再自己試~ 仲第一次畫內眼線呢!! 好易控制! 特別鍾意blusher嘅Pitera-in Creamy Base，可以用嚟遮下眼圈~ 仲有個lip stick，係我用過咁多支，第1支可以唔洗先塗潤唇膏都夠潤嘅lip stick!! 讚~!!!! 多謝SK-II俾我依個咁珍貴機會~ 最開心係每位參加嘅blogger都得到一份大大大禮物~!!! 係D咩野呢？ 下回分解~~~ SK-II COLOR彩妝系列: http://www.sk-ii.com.hk/event/color/mj12/
