「盛女」話題引起我同另一位中女朋友講起護膚…大家年過30 (佢大我3年)，都感覺到皮膚狀況每況愈下…包括腫口腫面成條浮屍咁…膚色唔均勻又黃又暗啞…鬆弛下垂…依期我最在意係膚色問題…好似又黃又灰又暗咁…老到呢… 橫掂大家返工都唔想做野，於是開始研究點樣力挽狂瀾… 我睇到一個化妝師寫的BLOG，內容有教化妝又有講護膚，仲要係佢自己去俾錢買完試用完寫嘅試後感﹗平到卓悅有售不知名品牌，貴到LA MER…乜都有﹗乜都肯試好勇敢﹗我係敏感肌，真係唔敢亂來﹗睇睇下見到部份我心思思左一陣子嘅Product，終於…今日我要爆啦)))))))) 今次先講第一擊… 放工順路去左銅鑼灣，拎住個EDM COUPON走去9/F特賣場SOFINA counter，換完果份唔洗消費就得到嘅粉底sample，唔覺意問下BA早前出果支美白3合1面膜係咩一回事，原來買果個系列2件貨仲送個vitalizing cream 同base嘅travel裝﹗其實都唔係貪佢送咩野，見blogger試完有效果，所以都諗住買架啦~~~ BA介紹依個mask係卸妝後用，只要一粒車厘子大份量，照佢紙上教嘅按摩法去做，再敷3分鐘就可以洗左佢﹗姐姐仲建議懶人可以沖涼時用~ 咁你按完沖埋身剛好夠鐘洗左佢啦~~又幾好BOR~ 我D醜樣before-after相就無謂拎出來嚇大家啦~ comment如下： - 質地milk 與gel之間，好易推 - 淡淡花香味，好舒服 - 跟步驟按完後冇咩大感覺，可能第一次用唔識用力 - 3分鐘後用濕棉花洗左佢，比用之前光亮左少少，有返DD光澤，而且好潤﹗依家用完成2粒鐘我又冇搽野上面都仲係好潤，完全冇乾﹗仲要面色紅潤左咁 (不過唔知係天氣熱定咩啦~) 我估如果日日用應該都會有明顯效果，希望我記得天天晚上用佢啦~~~~
