臨近出發影pre-wedding，朋友們都叫我保重，千祈唔好病，點知… 果期公司好多人病…仲有人唔掩住個咀周圍咳…行到邊咳到邊…終於我lai野了…感冒+氣管敏感，咳到痴孖筋 ﹗﹗甚至出發前一日起身時暈低左tim (=口=) 到左11月28號，感覺好左少少，不過都係勁咳，但係無論如何我都會頂住，出發﹗﹗ 整個行程係咁嘅： Day 1 - 去成都揀衫 Day 2 & 3 - 玩 Day 4 - shooting @ studio Day 5 - 轉飛麗江，日頭去玩，晚上同拍攝團隊見面，落實拍攝地點 Day 6 - 外景shooting Day 7 - 玩 Day 8 - 閃﹗ 11月尾成都天氣凍香港幾度，大約10度左右啦，都頂得到，因為好多地方有暖氣的。第一日飛到成都機場，品果安排左車接我地去酒店，settle down之後就有品果職員帶我地去成都品果店，俾正本單據佢登記，原來佢仲有份野要我地簽，內容大置上係話我地同意d相影左之後佢地有權放上佢地website或其他方式做sample。由於之前冇講過要簽，陳生亦好唔鍾意自己個樣俾人用，所以堅持唔簽，擾攘左一陣，品果職員最後都俾我地唔簽，仲話唔好意思，可能wedding expo時個同事講得唔清晰﹗其實氣氛又冇話好差，因為佢地都好耐心咁解釋點解要簽，又打俾同我地開單個職員跟進，態度ok的﹗之後就由佢地帶路，去附近5mins內就到的禮服館見禮服師~ 唔知係咪內地地方多，個禮服館好大呢﹗有分賣同租衫區﹗我地先見禮服師，佢細心解釋影studio同外景揀嘅衫有咩tips，例如studio focus個人多d，就揀d鮮明的衫，外景就揀d柔和color等等。跟住就帶我地去租衫區揀啦，入面再有細分好多區架呢﹗﹗佢話新郎禮服d款比較簡單，即係比起女仔禮服冇咁多花臣，所以女仔揀完先到男仔揀~哈哈~~ 其實真係好花多眼亂，要揀5套都幾費神﹗不過我怕煩，佢帶我去第一區睇婚紗，我都好快咁揀左幾件去試，一上身唔ok鏡都唔照多野就換另一件﹗禮服師全程跟進，佢一路帶我睇，會一路問我鍾意咩style，我試緊時又會去拎d款俾我睇下o岩唔o岩，好快我就揀好左，有d要改就即刻拎去改﹗所以揀揀下佢會拎返揀好左又改好埋的俾我試多次﹗效率超快﹗我諗揀+試+改+再試共5套，應該用左最多個半鐘左右﹗ 跟住到陳生揀了~ 雖則話男裝來來去去都係咁，不過d款在detail位上係會有小分別的﹗多條花邊呀、多個摺呀咁果d﹗仲有配件啦，例如bow tie、巾tie、小蝴蝶、背心、吊帶等等，某程序上我覺得仲難搞過女裝﹗由同禮服師溝通，到揀好試好哂衫，大約用左4小時啦~ 好有效率~~可以早d去食晚餐~~ yeah!! 不論男或女裝禮服，選擇都好多，而且唔"learn"架﹗當初d朋友知道我揀左依間內地野，佢地好有保留，驚d衫learn爆~~ 好彩~~ 我揀左幾套都有人讚呢~~~hohoho~~ 真係要讚多次，品果職員好細心，見我咳到痴左，會自動俾暖水我﹗亦唔會勁叫你加pkg (可能佢地本身pkg清楚地寫哂包咩，冇野可以加啦~~)﹗貼心服務，香港都未必俾到你…
