早排因公司之便，有機會跟"綠人工作室"學造潤唇膏~ 上完堂就同幾個同事放工自己試下整，經過上次失敗經驗之後，今晚再接再勵﹗整左Vanila味~ 綠人工作室主張用料天然，出面果D潤唇膏都含有石油成份、防腐等化學成份，始終對皮膚不好呢﹗仲話我地用完之後一定唔會想用出面買果D tim~~我都已經用左半枝，真係易吸收，又夠潤，唔會好似凡X林咁有浸野"mon"住﹗依個DIY潤唇膏主要成份蜂蠟、甜杏仁油、小麥胚芽油、可可巴油，做法都算簡單，將以上材料一齊倒埋入一個器皿，放上爐度隔水加熱，直到D蠟溶哂之後就拎出來攤一陣，散左一陣熱後加入喜愛的香油，就可以倒入唇膏器皿，完全唔熱就完成啦﹗其實最難係份量﹗要小心控制呢﹗ 聽導師講都好多人搵佢地訂造潤唇膏做回禮小禮物架﹗收到應該都幾開心~~~ 而我認識綠人工作室係好幾年前O係南丫島買到手製防蚊膏，超好用﹗﹗之後去趁都入貨架﹗佢地最近搬左地方，所以暫時開唔到班教，但仲會接受訂造潤唇膏呀蚊膏呀手工皂呀等等等~~~有興趣去佢地Facebook睇啦~~~ 綠人工作室 Facebook: https://www.facebook.com/?ref=tn_tnmn#!/greenpeopleworkshop
