經過前幾篇關於skincare的blog，咁今次由基本護理開始啦~~ 我每日護膚程序，都離不開果幾樣： 春夏： (早) 洗面 > Toner > 保濕serum > eye gel or cream (睇果期用開咩) > 防曬 (記得就用) >化妝 (必用防曬base) (晚) 卸妝 > 洗面 > 自家facial > Toner > 保濕serum > 晚霜 > eye serum > eye cream 秋冬： (早) 洗面 > Toner > 保濕serum > 日霜 > eye serum > eye cream> 防曬 (記得就用) >化妝 (必用防曬base) (晚) 卸妝 > 洗面 > 自家facial > Toner > 保濕serum > 晚霜 > eye serum > eye cream 其實四季程序唔差得多少，係冬天乾d就face同eye都會用serum~ 用o既product都係差唔多，冇特別分咩季節用唔同o野~ 洗面product我用來用去，始終覺得Avene Gentle Milk Cleanser最好~ 用左好多年了~~ 敏感人用milk感覺良好d，唔會刺激皮膚，用完唔會"粒"﹗依隻仲可以用來卸妝，乾手乾面用，或用cotton pad都得﹗2樣都試過，都算幾乾淨~其實我上次sogo減價發神經，o係sofina買左set美白洗面 (美白係敏感人高危product﹗)，差不多會開來用，又睇下佢過唔過到我敏感測試﹗﹗ Toner有2隻心水，首選Avene Gentle Toner﹗敏感時我會濕一塊cotton敷o係敏感位置，可以用來舒緩+退紅~ 點都要有支看門口﹗另一隻就係肌研極潤﹗價錢相宜，亦通過我敏感測試~~ 而且用完有補濕效果，毛孔仲好似細左tim﹗依隻冬天用幾好~~ Serum首選當然又係 Avene Soothing Serum啦~~~ 面又得眼又得~~ 依個時候可能你會話又係avene~~ 哎~冇辦法啦，敏感人可以用o既唔係好多~ 市面上好多product都係名過其實，大部份通過平面media soft selling，所以我唔會太信beauty專欄的介紹，大部份都係由press release搬上紙~ 我仲用過Aqua Moist透明質酸，係幾平，不過唔鍾意佢用完後有浸膜咁樣 "mon"住塊面~~ 最近朋友介紹一隻泡菜國代表 It's Skin Power 10 Formula GF Effector (防敏)，都係Aqua Moist呀Skin Ceuticals B5 Gel的同類啦~ 用左2晚，冇敏感，冇香味，唔會有野"mon"住塊面，似乎比較吸收~ 早晚都有用，唔知係咪錯覺，覺得塊面firm左~ 哈哈~ 試多排先~ 其實冇乜用日霜，通常我好懶咁用完serum就當係架啦~~ 但我都有支Avene Skin Recovery Cream Calming Formula看門口 (我好多野看門口~ )，每當我覺得皮膚狀況唔好或敏感時，就會早晚都搽，通常用2-3日就會好轉~ 晚霜的話，有幾個心水product，當然又有Avene份~~ Rich Compensating Cream~~ 依個建議冬天用，avene d cream (包括day cream)都比較潤﹗另外就係L'Occitane Immortelle Precious Cream﹗依個夏天晚上我都會用，開冷氣會乾，搽定防dry嘛~ 仲有我覺得用左佢後，真係有firming效果架喎﹗(雖然我雙下巴尚在…) eye product就比較常轉，用過n咁多隻﹗body shop、glycel、L'Occitane、Avene、~H2O+、雪花秀、shiseido revital、biotherm、origins…數之不盡，多到我都唔記得﹗如果講效果，黑眼圈冇一隻牌子見效﹗補濕、減淡幼紋同firming有d係ok的，好耐之前用biotherm aquasource eye cream (都唔記得exactly邊隻)、glycel (又係唔記得邊隻)、L'Occitane olive條line的eye gel (已經冇出…)係有firming效果的﹗講返近期d，一隻美容院牌子 "Professionnel's"的caviar serum幾好用，夠補濕+幼紋淡左dddd，firming就冇咁顯著，我通常會再加eye cream，日夜都會，咁先夠我對dry eyes用~~ 依支剛用完，唔知去邊買返~~ 我係上年美容expo好平咁買架，美容院買好貴的~~ 跟住o係屈人寺買左支VC Organic Rose Otto Antioxidant Eye Gel，有organic cert，用後冇敏感，夏天用補濕力都夠，但冬天未必夠用，有時夜晚會當佢係serum，用後再加雪花秀eye cream﹗依支雪花秀真係好大支，用左超過一年，都唔知有冇用到一半﹗只會夜晚用，因為太潤~~~~ 用完依支未必會再買lu~ 另外，以前用過L'Occitane Immortelle 系列的eye cream，又係夜晚先用，同面霜一樣，都有dd firming效果~ 依個已有存貨，不過都唔知幾時先用到~~ 哈哈~~ em~~ 近排用的eye product應該係咁多~ 你地諗到咩牌子又可以問下我，睇下我有冇用過~ 實在試過太多啦~ 至於防曬呢，我o既標準係唔"粒"唔敏感就為之好用~ 之前o係日本買過NIVEA防曬gel，非常水潤，一d都唔"粒"﹗但係香港冇得買…早知買多幾支啦﹗﹗仲有試過Aqua Label藍色果隻防曬都唔算"粒"~ 其實依樣野冇試過多少個牌子，因為我好懶地個base有防曬就算架啦~~~ 防曬base好用的定義，我認為係要令膚色好而唔"粒"唔出油~ 試過好出名的Armani，唔掂~ 勁油呀﹗anna sui好少少，但都係有d油﹗maybeline調色base比較好，最like用紫色果隻，令到面有光澤，出油情況冇armani同anna sui咁勁﹗最好用係sofina，都幾控油~ 差不多要開佢支新base啦~ 應該會繼續用落去~ 以上只係我依個敏感人多年來的體驗，歡迎大家交換心得~
