上回分享左我用過覺得比較ok的深層清潔mask，今次到我自家facial step 2 -- 去黑頭mask﹗ 呀，應該講返我皮膚type先﹗乾底，t-zone會出油，鼻多黑頭，易敏感，包括天氣、壓力、塵埃等﹗毛孔不大不小咁啦我覺得…不過都冇咩理佢…呀，仲有勁黑眼圈，依樣野我冇得救，因為氣管敏感 (其實我成個人係敏感底…)，由細到大都係咁黑，訓得多與少都係咁黑，我放棄架啦~~ 基本上我真正開始護膚，我諗由約10年前開始掛…樣樣試d，果陣後生唔識死呀嘛﹗咁多年來用得多又聽人講得多，加上曾經做過美容的mktg，慢慢累積依方面的經驗~ 用左唔少錢架… 好，請返黑頭mask先﹗其實冇試過多少隻，以前就用開biore黑頭鼻貼，都用左好幾年，濕水等佢乾撕落o來就搞掂﹗不過用得耐就覺得佢唔係清到好多，有時唔知係我貼得衰定咩，直頭同冇用一樣﹗ 後來阿妹經同事買左台灣果隻st clare去黑頭mask套裝，嘩~ 都"痴"到幾多出來喎~~~ 仲有佢一套有3支東西，首先要用佢d serum軟化左d死皮先，跟住用d mask搽哂個鼻等佢乾後撕走，用水洗乾淨再搽返支收毛孔就搞掂﹗雖然好多人都話"撕"對皮膚唔好，而我亦覺得去做facial俾人針清先最乾淨，但依個mask不失為懶人去黑頭home care之寶~~ 依家好似卓悅有得買架，阿妹買左佢另一款返來，遲d試下先﹗ 最近仲試多樣野﹗聽講係韓國大熱item﹗經朋友買的，好似萬0有售~ 佢係泡泡o來架，密度好高，軟棉棉﹗只要乾手乾面，揤適量泡泡，o係鼻上及面上打圈摔摔摔，慢慢會摔左d死皮出來，一粒粒白色的，好似擦膠咁﹗以前都用過類似去死皮產品，但依隻感覺乾淨d﹗摔完個鼻黑頭少左，鼻翼位最易聚小小油脂粒仔，用完依個泡泡乾淨左呢﹗最近好愛用~ 一星期用3次~ 唔用鼻膜就用依個﹗(>即係我每日都總會做homecare facial~) 各位又有用過/用開咩野去黑頭產品呢~？
