曾幾何時成行成市樓上cafe 今時今日租金更加貴 更多店舖都往上發展 近年越來越多Cafe滲入工廠區 假日又多個新玩意 就係去工廈尋寶啦~ 今次同美女blogger一齊到訪聞名已久 位於觀塘開源道嘅 Tè Momento 慕茶 離觀塘站不遠,亦好易搵~ 當日係星期六下午 觀塘人流比要返工嘅日子少 感覺更加幽靜閒逸 慕茶一室粉綠與木俱的配搭 充滿清新雅緻氣息~ Tè Momento 慕茶由4位80後女生成立 親自調配各種茶味Gelato、飲品及食物 照店名字面睇,相信幾位女生們的確深深地愛慕著茶呢~ 當日只草草地食過早餐 午餐都未食,非常餓~ 於是決定要一份咸食及一份甜品 一眼就瞄到menu上有3款All Day Breakfast 好快就點左貌似最特別嘅蝦沙律多士全日早餐 $82 呢個蝦多士並非平時茶記食開果種 炸到好脆、一睇就知極度熱氣果種魔鬼蝦多士 而係溫和地稍微經過烤焗的多士 如果可以脆口D就更加開心啦~ 中間挖左個淺凹位放入蝦子 再灑上芝士粉 不過味道偏淡呢,蝦子實在需要再加點調味 結論:口感及味道層次仍需努力! 呢度大部份飲品及甜品都同茶有關 茶包系列坊間太多了 當然要試特式茶飲! 先點一杯signature茶飲 - 伯爵茶朱古力 $38 負責人介紹時話曾經有客人試過覺得茶味過濃 改良後將茶同朱古力比例balance返 還好味道唔會過甜,仍然飲到有茶味 我個人可以接受偏重茶味 相信最初版本味道應該不錯~ 然後再點左另一杯Signature 抹茶紅豆奶綠 $34 抹茶味道非常濃郁 仲好似紅豆冰咁加入紅豆 邊飲邊咀嚼,感覺更養生~ 食完咸點當然要試試甜品~ 近門口果邊擺放一架人力雪糕車 全部都係以意大利傳統製作手法 炮製出中國茶口味Gelato! 8款之中已有1款清左~ 果款就係伯爵茶朱古力味啦! 我地都試左剩底果少少~ 都唔太甜,但應該係8款之中最濃味的 玄米茶味最得我心~ 特愛佢果種近乎 "炭燒"嘅味 仲可以見到一粒粒玄米 真材實料啊 桂花味一如平時飲到/食到果種桂花香味 唔係難食,只係個人認為唔太夾Gelato~ 茉莉味如預期般清幽 普洱本應係偏濃味的 不過俾先前試的抹茶味蓋過了~ 功夫茶味就好似飲緊功夫茶一樣 茶甘非常! 跟住就點貴族伯爵茶窩夫繽紛樂園 (配2款Gelato) $80 配了玫瑰及抹茶味gelato 此窩夫口感都幾有咬勁 質地又有少少似蛋糕果種棉密 帶有淡淡茶香及甜味 個人十分喜歡~ 玫瑰味跟抹茶味Gelato相比的話 抹茶味絕對係最令人印象深刻! 帶有抹茶該有的苦澀 同時又有回甘,久久不散! 非常推介~ 除左可以到慕茶用餐 呢度仲可以舉行Gelato Workshop或其他活動 更可以租用Gelato人力雪糕車連Gelato到婚禮同賓客分享~ 準新人不妨考慮一下啊~ 想知更多,請到: www.facebook.com/temomento 我的專頁: www.facebook.com/whitericebeauty Instagram: www.instagram.com/whitericebeautynshop