話說之前因為寫文而要煲韓劇 一向不太熱衷韓國明星/戲劇嘅我 開始對泡菜國嘅戲產生興趣! 上星期六獲邀到九龍灣E-Max 出席首映活動 今次係最新嘅韓國電影「20 Twenty」 亦都係我第2次到Metroplex 星影匯睇戲 同一班blogger朋友一齊笑足全場~ 2014年開幕嘅Metroplex星影匯位於九龍灣E-Max地下 亦即以前保齡球場位置 地方非常寬敞! 戲院入口連接著E-Max商場廣闊的廣場位置 首映開始前喺呢度先舉行首映儀式 今次嘅嘉賓係呢套戲嘅其中一位男主角姜河那同導演李炳憲 「20 Twenty」如戲名一樣講嘅係20歲發生的事 原來20歲係韓國成年嘅歲數! 戲中3位男主角包括讀唔成書嘅有錢仔花美男智鎬(金宇彬飾) 夢想做漫畫家嘅重讀生東宇(李俊昊飾) 仲有情竇初開嘅書呆子敬才(姜河那飾) 3人嚟到20歲人生轉捩點 想有一番”大作為”嘅同時又感到迷茫 雖然我已經距離20歲非常之遠了 但戲路輕鬆搞笑 絕非一貫慘情收尾嘅韓劇! 2位OPPA介紹過「20 Twenty」後 當然唔少得同現場一班等候多時嘅粉絲玩遊戲! 最後大家開開心心得到電影海報仲有OPPA大大嘅擁抱一個~ (其實係粉絲非常主動~) 最後嚟個kick-off儀式 預祝票房爆滿~ 首映於1號院舉行，係9個影院中最大的一個 可以坐到430位觀眾! 同時配備杜比®全景聲 + 杜比7.1 環繞聲 以及震動座位 最開心係行與行之間非常寬敞 絕對唔會頂腳~ 座位極之舒適 嚟呢度睇大製作一流~ 例如即將上映的Jurassic World或年尾上映的Star War 大家都可以考慮到Metroplex睇呀~ 另外其中3間影院特別分類為VIP影院 同樣配備杜比®全景聲 + 杜比7.1 環繞聲 以及特闊震動座位 每間只有20個座位可作私人包場 不但私密度極高 更貼心地提供餐膳服務 大家可以同一班朋友舒適地一邊品嚐美食 一邊享受尊貴嘅電影體驗! (下圖轉載自Metroplex 官方網站) Metroplex 星影匯作為一間獨立戲院 提供荷里活大片、國際得獎名片、電影節、港產片 甚至不同國家類型之獨立電影 種類之多元化必定可以滿足大家口味! Metroplex 附設的小食部亦有相當多元化的小食選擇 特別想試芝士味薯條呢! 不過當日睇戲前已經同blogger們到E-Max場內餐廳食野 太飽食唔落~ 下次有機會一定要試試! 再次感謝E-Max / Metroplex邀請~ 想知更多，請到 Metroplex 星影匯 www.metroplex.com.hk/zh_tw/home www.facebook.com/TheMetroplexCinema E-Max www.emaxhk.com www.facebook.com/emaxhk
