自從上年滿面濕疹 之後雖然好左好多 但皮膚明顯變差得不穩定又乾燥! 即使已經快到初夏 明明濕度都好高 皮膚有時都會乾到甩哂皮 有時仲會又痕又紅呢! 我呢D唔化妝唔出得街嘅人 梗係要搵返d溫和嘅產品用 上個月出席日本Curél輕透保濕BB霜發佈會 不論當日活動流程定產品質素都相當有驚喜呢! 上年開始就非常積極研究濕疹適用的牌子 Curél係其中一個mark左的牌子 亦都買過潔面體驗裝同防曬用 病發時用感覺非常良好 不刺激又保濕! 輕透保濕BB霜係Curél首個底妝產品 含有花王獨有專利輕透粒子配方及長效抗油脂技術 帶來透薄、易推、持久貼服的妝容 品牌更邀請蝦頭以短劇形式介紹產品! 比起平時由trainer介紹真係生動有趣得太多了~~ 大家都睇得好投入好開心呢! 最後更即場做左個小測試 將Curél輕透保濕BB霜及另一牌子 放於同一平面上然後拖開 Curél延展性以大比數勝出呢! 最真實嘅效果當然要親自試上面 BB霜分明亮及自然兩種色 包裝正面分唔出邊支打邊支 睇背面就可以了~ 售價:HK$160 下圖左邊係自然色 右邊係明亮色 乜都冇搽兼dry爆的手背 仍然可以輕易地將BB霜平均推開 印開後都算貼服 乾左後感覺似變成粉狀 論膚色的話我係可以用到明亮色 不過我見塊面有少少紅 所以就用自然色~ 使用基本護膚品後搽上BB霜 延展性果然不錯! 兩三下手勢就搽勻全面 而自然色可以將紅印遮到9成 BB霜含有潤浸保濕Ceramide功能成份及桉樹精華 乾到少少甩皮的位置都被修復 皮膚表面變得平滑多了~ 黑眼圈位置都遮得不錯 之後我只蓋上少少遮瑕膏就遮好啦~ 加上物理性防曬SPF28 PA++ 溫和地保護皮膚免受紫外線傷害! 整體來說 遮瑕度、透氣度、保濕度及貼服度都屬中高 至於持久度就未有想像中咁高 始終香港太濕太悶熱啦~~ 秋冬的話問題就不大~ 品牌更貼心地提供卸妝及洗面泡泡俾大家試用~ 因為每日的清潔都好重要呢! 卸妝膏推開後就變成油 遇水就會乳化 比卸妝油更溫和 面部有敏感時用都冇問題 用後唔會太乾或崩緊 而且都卸得幾乾淨 卸完妝都要再用泡泡洗一下 泡泡質地非常棉密 清潔力強而不刺激 用後膚質柔軟舒適 再次感謝花王Curél邀請及提供產品試用! 想知更多,請到 www.facebook.com/curelhk 我的專頁: www.facebook.com/whitericebeauty Instagram: www.instagram.com/whitericebeautynshop