近日天氣終於冇咁凍 開始有春天feel了! 春回大地，萬物回復生氣 係時候喚醒暗沉肌膚 重拾光澤~ 正在煩惱揀咩美白產品？ 不妨參考今次LANCÔME全新 BLANC EXPERT 系列的試用效果~ 試用產品包括： (左) 瞬白亮肌氣墊粉底 $290/refill $100/case (中) 瞬白亮肌精華補濕水 $580 (右) 全方位防禦抗曬清爽乳霜 SPF50/PA++++ $410/30ml $550/50ml 到底美白要幾全面先夠呢？ Lancôme 美研人員發現三角區的肌膚最容易出現色素沉澱現象 即臉龐上最突出的地方 包括額頭、雙頰、 鼻子及下頜 亦都係接觸最多陽光的部位 色素因此不斷沉澱 所以化妝及防曬時必須集中保護三角部位 美研人員更透過最先進的眼球追蹤研究 發現當人觀察其他人面貌時 視線有 90%時間都係停留於三角區 可見三角區係幾咁重要 所以大家要多多注意保養啊! 第一步就從瞬白亮肌精華補濕水開始 初收到產品時有點迷茫 應該邊個步驟用呢？ 原來係含有亮肌及保濕成分嘅化妝水! 蘊含薄荷、玫瑰及龍膽花精華 有助抑壓肌膚中的發炎訊號分子 減輕色素沉澱 同時於肌膚表面形成水漾光澤 質感比傳統化妝水"杰"身少少 但又未至於精華果種濃度 在肌膚上塗開後就變成水質 迅速滲入肌膚底層 近年我都係用呢種質地的化妝水 感覺上用手搽會比較吸收又不浪費~ 使用後即時保濕 最明顯係提升亮度 淨白度、平滑度及剔透度都有所改善 防曬係每日絕對不可缺少的產品 全方位防禦抗曬清爽乳霜 SPF50/PA++++ 有助減低因氧化造成的皮脂分泌並減少油光 同時含活性分子"Coolact 10" 具冷卻及安撫肌膚功效 配方中的玫瑰花瓣精華更能安撫肌膚對熱力的反應 平伏敏感肌膚的泛紅情況 於妝前使用更可以令底妝長效貼服自然 由於我皮膚又乾又易敏感 要揀一隻夠保濕又溫和的防曬產品實在唔容易! 夠潤的多數都易泛油光 夠爽的又唔夠保濕 你話幾煩惱呢~ 如果你都有同樣煩惱 極力推介LANCÔME全方位防禦抗曬清爽乳霜! 質地就如其名係非常清爽! 感覺的確係涼涼地 水漾質感易推又易吸收 即使我大量搽上面都唔會令膚色變得慘白! 而且保濕度好足夠! 亦進一步為肌膚增添光澤~ 最後就係用期待已久嘅氣墊粉底~ 又係睇「女人我最大」率先知道LANCÔME將會推出呢個新產品 其實氣墊粉底已經於早2-3年於韓國推出 我自己都用過好幾個牌子了 的確好方便又適合daily use 記憶中歐美品牌未有氣墊粉底 所以特別期待LANCÔME的呢~ 最初以為LANCÔME出的應該都係法國或歐美地區出產 原來產地都係韓國呢! 韓國果然係氣墊粉底皇者呀! 結構及設計其實同其他韓國品牌出的都一樣 上層放粉樸 下層就係可更換的氣墊粉底 色調共有5款 我揀左比較少有的粉紅色 希望可以令膚色看起來更有氣色~ 同樣配上一塊聚氨酯粉樸 下層的海棉有數千個氣孔 可均勻地沾上粉底 感覺上含量比其他氣墊粉底多 唔洗用力按落海棉都可以沾取足夠粉底 粉紅色都幾可愛~ 拍幾下就融入膚色 帶來自然的光澤感 拍上面感覺涼涼地 暗黃膚色大有改善! 連黑眼圈都可以減淡 估唔到粉紅色都有少少遮瑕作用! 使用後光澤感十足! 好似韓妝果種咁"令"呢! 比用high-light更自然! 敗家隊長已準備去入手多一個膚色色調的氣墊粉底替換了! 要打造明亮光澤肌膚就係咁簡單~ 再次感謝LANCÔME邀請~ *產品及資料由LANCÔME及BeautyExchange.com提供* 想知更多，請到 www.facebook.com/lancomehk 我的專頁： www.facebook.com/whitericebeauty Instagram: www.instagram.com/whitericebeautynshop
