陳先生又出差歐洲了 初一先至返來啦 所以呢2個weekend我都安排左好多節目俾自己~ 除左好好休息訓餐飽 另一樣新興趣就係煲劇~!! 最近完全迷上了「海德哲基爾與我」 每個星期兩集,我都追得好貼架~ 我對韓星認識不多 睇左呢套先發現原來玄彬都幾有型架喎﹗ 劇中的玄彬係具瑞鎮、Wonderland樂園嘅常務 (即係富二代啦) 心臟較弱,為人冷酷無情,絕對不會幫助其他人 由於小時候發生過一件事 (劇情未交待清楚咩事) 具瑞鎮從此留下心靈創傷,更發展出另一種完全相反、叫做羅賓的人格 羅賓嘅笑容真係殺死人~~ 呢套劇節奏氣氛都係輕鬆的,好有少女漫畫feel﹗ 女主角張荷娜 (韓智敏飾)有成3個OPPA圍住佢,超夢幻的~ Cool爆的具瑞鎮、熱情的羅賓、仲有暖男治療師尹醫生 士多啤梨蘋果橙到底點樣揀呢~ 還記得上年一套星星帶起化妝同穿搭潮流 今次我落足眼力睇實架~ 女主角每一集造型都好簡單樸素 必備大褸同貼身褲 長瀏海、自然捲曲長髮 耳環是細細粒的,多數配長頸鍊 近鏡睇睇個妝 都係以自然感覺為主的妝效 眼線同眉色都選用啡tone 而且只係輕輕勾出眼形,冇特別畫粗或拉長 最多都係於眼尾下方畫左少少陰影 同埋非常淺色嘅胭脂同自然唇色 就係咁簡單~ 第5集中梳妝枱上有好多產品﹗又會掀起一場搶購潮吧﹗﹗ 我見到有Lancôme小黑瓶Advanced Génifique精華肌底液啊﹗ 化妝袋也是Lancôme的~~ 究竟裡面有咩呢?? 有Mascara﹗但睇唔到牌子﹗ 曲身的Mascara大概就只有Lancôme Grandiôse展扇濃黑睫毛膏吧~ 最後搽埋咀~隻色好靚喎﹗ 呢個妝淡淡地 返工又得出街亦得~超百搭~ Eye Shadow唔洗太sharp,淡淡的就好,我又試試先~ 其實平時我來來去去都只用3隻色,趕住出門口呀嘛~ 打好底妝後先用1號於眼蓋打底,遮掩一下暗淡的眼皮 再用2號淺粉紅色塗於整個眼蓋,增加柔和感 亞洲人眼型不夠立體 所以我都會於眼的後1/3位置用淺啡做陰影 最後在眼珠中央點上1號以增加立體感 然後用啡色眼線筆畫上眼線 我對眼大而無神的,所以內外眼線我都有畫 我睇女主角都冇特別拉眼尾,所以只拉出1mm就可以了 最後於下眼尾1/3位置畫上深啡眼影 其實女主角用的啡色較淺,不過我黑眼圈太勁 所以揀左隻深啡來用 開眼最後一步 – Mascara﹗ 冇錯就係劇中主角用的Grandiôse Smudgeproof睫毛膏~ 特別喜歡樽蓋透明設計 好似Beauty & the Beast玻璃罩中的玫瑰花呢~ 一般mascara都係直身設計 而呢支就係曲嘅 呢個設計絕對係為我呢D論盡之人而設 因為用直身果D的話,搽mascara果時 刷身會將mascara痴到面上呢﹗ Grandiôse曲身設計就可以輕鬆避免呢個問題啦﹗ 刷頭亦好細緻 特別容易搽下眼睫毛﹗ 睫毛液好順滑 搽完之後有增長效果 睫毛支支分明不糾結 而且不厚重,可以撐一日﹗ 要有氣色,一定要為咀唇上返少少色 劇中女主角就係用LipLover #320 輕按一下 樽蓋就打開了﹗ 色調呈珊瑚色 適合不同膚色~ 刷頭設計扁扁的 刷頭尖端搽咀角特別輕鬆﹗ 而且不黏咀,感覺很好~ 開眼+有氣息自然妝5分鐘就可以完成~ 大家都動手試試啦~ 我要繼續追劇啦BYE~~ *資料及產品由beautyexchange.com及Lancôme提供* 想知更多,請到: www.facebook.com/lancomehk 我的專頁: www.facebook.com/whitericebeauty Instagram: www.instagram.com/whitericebeautynshop