近排周身冤痛 好想按摩之際 發現觀塘開左一間岩盤浴! 早於一年前體驗過岩盤浴 當時唔太了解,感覺有D似韓國汗蒸幕 有熱力點都會令肌肉酸痛舒緩掛~ 立即問下trial價 $128就可以享用40分鐘 價錢比旺區相宜~ 感謝悠沐送我一次體驗~ 岩盤浴係乜東東呢? 其實係源自日本北海道嘅養生方法 利用只在北海道先搵到 「上之國町天之川上流」所產生天然礦石 -- 神黑石 於約40度室溫中放射出98%放射率遠紅外線及負離子 幫助改善虛冷體質、水腫、排便不順、關節健康等問題 而悠沐特別遠赴北海道引入最正宗的神黑石岩盤床 安裝時更由日本供應商嚴謹地監督 保證安裝及運作乎合標準 悠沐店面唔算大 但都有一排locker、更衣室、休息區 以及1個大浴場同埋2個雙人房 進行岩盤浴前先換上浴衣 稍事休息、抖順條氣、飲下水 就可以入去啦~ 進行岩盤浴前先換上浴衣 稍事休息、抖順條氣、飲下水 就可以入去啦~ 入去時會有一個計時器 計時40分鐘 然後面向下扒上已鋪好毛巾的岩盤床 先伏喺度10分鐘,令身體適應溫度 再轉身面向天花訓10分鐘 然後重覆多一次 即共訓40分鐘~ 比起焗Sauna或韓國汗蒸幕 岩盤浴溫度舒服得多! 呼吸順暢又唔會過熱 而且岩盤浴經遠紅外線調節體溫而排出水份 流出來的汗同運動時的汗完全不同 不臭不黏,幾乎接近純水 加上皮脂線軟化的皮脂層 係最天然嘅乳液 所以唔洗即時沖涼~ 平時我絕少運動 即使運動都唔容易出汗 第一次進行岩盤浴出汗其實都唔算多 差唔多訓左20分鐘心口先滲左少少汗 最終只有心口及後頸位滲到汗 值得一提係享用岩盤浴40分鐘 就等如跑左5000米!! 平時運動40分鐘出汗量遠遠比不上岩盤浴呢~ 除左出汗之外 肌肉酸痛都有改善~ 立即已經上左瘾!! 好快我就決定join package了! 轉工之前果2星期去得好密 每一次去出汗都多左 大約去第6-7次左右 已由最初只有心口及頸背滲汗 發展到心口、頸背、背及面都流汗了! 對於我呢D難出汗嘅嚟講實在好有成功感呢!! 根據店內個磅,脂肪率都有下降!! 啊瘦身在望啦!! 每次做完都有一身鬆哂嘅感覺 親切的店員更會為大家送上花茶 補充水份同放鬆一下~ 大家坐埋傾下計 講起有位上左年紀的嬸嬸隻腳唔係咁好 最初嚟時要拎住把遮支撐先行到 嬸嬸好勤力地日日都去 幾次之後已經好左好多,唔洗再用遮督住行啦! 我諗住搵日約埋陳生同奶奶一齊嚟試下~ 順帶一提,呢度都接男賓 但一定要有女客人帶住先可以~ 咁就可以安排入雙人房一齊享受岩盤浴啦~ 如果大家有興趣 可以去呢度睇睇: www.facebook.com/zenstonesauna 地址:觀塘巧明街富利廣場1506室 (APM後面) 新張體驗優惠HK$128/40分鐘 我的專頁:www.facebook.com/whitericebeauty