返左新工幾日，一切都在適應中，呢度D同事唔洗逐個睇都知佢地無趣架啦，各自做自己野，你唔搞我我又唔搞你，幾和諧! 放工就各自散去，同我以前D工比，感覺C9左好多好多~~~ 雖然結左婚，但我絕對唔會承認自己係C9架! 頂多只係偽C9~ 為左唔好令自己生活更加枯燥，見個個煲劇咁過癮，又搵下有咩好睇啦~ 本身我並唔係特別鍾意追劇嘅人，自從上年睇哂「來自星星的你」，突然覺得自己好勁! 咁都俾我睇哂! 成功感大增~~ 最近仲睇哂警界線同來生不做香港人，HKTV暫時冇咩新野想睇，得返星期六睇選戰，又轉去睇下有咩韓劇~ 覺得韓劇幾有趣，除左題材多之外，咁當然高大的OPPA、又瘦又打扮得美美的女星們都好好睇啦~! 想知今年興乜野，睇韓劇應該就會略知一二! 最近朋友推介左21/1剛開始啟播嘅「海德哲基爾與我 」，咁佢就梗係主要睇玄彬啦! 我就冇特別鍾意邊個 (因為唔熟韓星嘛~) 反而俾題材吸引了! 主角玄彬一人飾兩角 (查實唔講我真係以為係兩個人!)，同女主角韓智敏發展三角戀 好似都係果D啦，又唔完全係喎! 玄彬飾演兩角，其實係有雙重人格、心臟非常弱的樂園Wonderland常務具瑞镇，同埋具瑞镇分裂出來的人格Robin，一個性格冷酷無情，一個善良溫柔，你會點揀~ 對於韓智敏認識不多，樣子清純又幾自然呀~ 從來都冇特別研究玄彬，但淨係睇第一集都睇到"嘩嘩"聲~~ 全集都係超cool造型出現，咁近望肯定暈底!! 韓智敏飾演的張荷娜係Wonderland樂園馬戲團團長 第一集全集只有2個造型，就係呢套大紅、黑格子大衣同醫院病人服 睇嚟今年髮型都係興捲曲長髮喎~ 妝效依然自然，唇色偏深色 上年一套星星可以帶起衣著同化妝潮流 唔知呢套又會帶嚟咩趨勢呢~？ 玄彬cool爆造型實在冇得輸!!! 好啦我要繼續追~係咁先~
