香港地方細細 其實好多範疇都非常國際化 尤其是時裝方面 香港亦追得相當貼呢~ 第46屆「香港時裝節秋冬系列」及第13屆「香港國際時尚薈萃」 即將於1月19至22日 於香港會議展覽中心隆重舉行! 展會第一日就由尊貴汽車品牌AUDI呈獻 「香港華麗秀2015」 展會開始前，就由我的愛牌M.A.C. 率先為大家示範新一季嘅化妝潮流啦~ M.A.C.已經連續多年為Hong Kong in Fashion擔任專業化妝合作伙伴 今次更特別由M.A.C.香港首席化妝師 Ryuko Lau示範 Ryuko老師經驗相當豐富 經常穿梭於世界各地的Fashion Show後台 為模特兒化妝~ Ryuko老師為大家示範2款妝容 第一個以「光」為主的自然裸妝 利用「光」令輪廓更立體 同時令膚質更水嫩 Model出場都利用M.A.C.妝前護膚及粉底做好底妝了 然後由老師為Model做shading 平時用陰影粉都好小心 太重手就會變阿梅啦! 而老師今次用的似乎係cream狀 而且色澤不太深 blend開後感覺十分自然! 然後就是high light的部份 包括T-Zone、面頰、下巴、鼻 再於唇的四周清理一下滋潤度 因為早於做底妝時已經搽上護膚的產品 太濕潤會影響其後唇部產品的上色度呢 呢個自然妝效全面冇用太強烈的色調 所以唇部將會用較豔的莓子色 為左令色調更突出 先用nude色唇筆打底 再上莓子色lip gloss 眼妝方面亦都以「光」為重點 老師特別選用金色eye gloss 眼部更為立體 眼神都變得更亮了~ 雖然model眼圈唔太黑 但力求完美，所以都要遮一遮~ 最後再用光粉 (好似係cream狀的)再於面部重點掃一次 任何角度、任何光線下 妝後Model的肌膚都係非常亮澤的啊~ 第2個妝就比較型格及Playful Ryuko老師先用Neon Orange色的Lip Pencil 為Model畫上粗粗的眼線! 老師時常為Fashion Show擔任化妝工作 風格都很Creative 喜歡利用不同的工具作新嘗試 所以用上Lip Pencil作Eyeliner使用~ 然後用同色的Pigment重疊於眼線上 既可定妝，亦可增強色調 遮一遮眼周之後 怕用左螢光色而眼腫的話 (尤其是我地亞洲人~) 最好夾夾睫毛刷刷Mascara 全面最好只有1個部位重點地Colorful 所以眼部用左螢光色 唇就用nude的就好了 很有型又清爽~ 一個溫婉、一個型格 各有美態啊 美麗的Model當然要跟M.A.C. Ryuko老師合照~ 同場發現M.A.C. 全新推出的系列 Press Kit裡也有其中3件呢~ 返去要慢慢試~ 另外，展會將於1月22日免費開放俾公眾 大家不妨到場參觀~ 展會資料： 「香港時裝節秋冬系列」是亞洲最大型的時裝展覽盛會，預計雲集來自世界各地約1500家參展商，展示最新款的品牌系列、成衣產品及配件，以及相關的專業服務等。同期舉行的「香港國際時尚薈萃」雲集超過600個環球頂級品牌及設計師系列，展會期間將會舉行多場活動，包括超過30場獨家時裝表演及國際時裝巡禮，由模特兒演繹i.t、MOISELLE、Shanghai Tang，以及Zalora等多家參展商及品牌的最新服飾產品。 展會網頁： 香港時裝節秋冬系列 www.hktdc.com/fair/hkfashionweekfw-tc 香港國際時尚薈萃 www.hktdc.com/fair/worldboutiquehk-tc 我的專頁：www.facebook.com/whitericebeauty Instagram: www.instagram.com/whitericebeautynshop
