曾經何時周圍試cafe係我同陳生嘅興趣 因為我真係好鍾意甜品同咖啡呢~ 不過近年非連鎖式cafe越來越少 於是我地就將呢個興趣轉移到去旅行時搵啦 例如十分流行cafe文化的台灣、韓國 環境舒適食物又有質素 最緊要服務親切﹗ 要喺香港搵有質素嘅cafe其實都幾難呢﹗ 今次非常感謝Empress Cafe邀請 帶我嚟到灣仔巷弄之中 自成一角嘅小天地﹗ Empress Cafe不算大 左邊open kitchen已經佔店面一半 右邊係兩大張長枱 每日只能接待少量客人 絕非一般生意人會咁做 只因老闆希望帶俾客人有質素的食物及體驗~ 裝修及擺設走我最愛的vintage風 特別喜歡門外果張長椅﹗ 仲有open kitchen牆上嘅鐘呢~ 未品嚐食物先睇下環境 店內有一塊大黑板寫著 Drink Good Coffee．Read Good Books 對好多人嚟講好咖啡要配上一本好書 雖然我唔鍾意睇書，但呢句字反而更令我想試下呢度嘅Good Coffee喎~ 旁邊就係一個大大的書架﹗ 好似係可以借走或交換架~ 都係果句，我係文盲嚟架~ 呢度即叫即製，所以唔好兩頭望住 叫野食先~ 呢度有All Day Breakfast、pasta、waffle 價錢喺灣仔區嚟講好合理，甚至算平﹗ 飲品亦好精彩~花茶咖啡都有好多選擇﹗ 本來想飲咖啡，不過見到花茶用咁靚嘅杯載住忍唔住要一杯玫瑰普洱茶啦~~ 比平時飲茶果D普洱較清淡 但入口順滑帶清幽玫瑰香氣 有少少甜，原來落左玫瑰syrup! 當晚老闆為大家準備左幾款signature dish! 先嚟一個Risotto 橙橙黃黃以為係南瓜？ 其實係鮮蝦芒果椰汁意大利飯﹗ 相信靈感係嚟自芒果椰汁飯吧~ Risotto算係較硬身，唔會太lum，有嚼勁 不過唔知點解有少少苦澀味，類似香茅果種 芒果非常鮮甜，蝦亦都好新鮮﹗ 最好每一口都有齊呢幾樣食物，味道會更豐富 跟住呢個藍莓意大利飯配大草菇更有驚喜﹗ 意大利飯之所以紫色 係因為用上新鮮藍莓而唔係現成果醬﹗ 鮮藍莓好貴的呀!! 老闆為左美味真係落重本!! 加入藍莓做risotto呢個idea已經好新穎 味道係點呢~？只是非常微的酸 但仍然保留藍莓的鮮甜，好好味架呢~ 果隻大菇亦鮮味十足同好juicy! 我平時唔係好食菇，都覺得佢好好食~ Pasta亦係呢度嘅主角之一 香辣墨西哥青椒汁沙拉美腸天使麵 辣味剛剛好，不會太搶，好惹味﹗ 青椒汁其實都唔係好有青椒的苦澀味 如果可以再加d香草味就更好了~ 嘿嘿﹗跟住落嚟就係勁多Waffle呀﹗ 下？咁快食甜品？ 邊個話Waffle一定係甜架~ 先嚟兩客咸Waffle啦~ 經典窩夫配香草意式肉醬 其實好有茶記「窩蛋牛肉飯」嘅韻味﹗ 先試一口原味窩夫 係我最愛嘅濃濃蛋香﹗ 少少甜，外脆內軟~ 沾上微酸又好有家庭風味嘅香草意式肉醬 感覺都幾新鮮~ 大家一邊分享著，一邊等待新鮮即製嘅下一道菜~ 好快就有熱騰騰嘅火腿芝士飛碟窩夫啦~ 表面上看似原味窩夫 一切開就有驚喜了﹗ 原理就同飛碟三文治一樣 中間夾左芝士同ham 經過熱力之下 中間嘅車打芝士係半溶架呢﹗ 個人認為芝士味同窩夫比較夾 所以咸窩夫類我比較喜歡呢個~ 甜點要來了~~ 呢個Top Shot似咩呢？係pac-man食鬼呀~ 窩夫甜品其實唔洗太花巧 加少少朱古力醬，每一口先沾上Dryer's雪糕 窩夫的熱力瞬間將雪糕溶化 窩夫吸收左冰凍嘅雪糕 一咬落去就"唧"出甜甜的雪糕~太美味了~ 除左雪糕，莓類都係窩夫嘅好朋友﹗ 雜莓窩夫三文治造型已經令女生尖叫﹗ 新鮮雜莓加上cream同雪糕 又酸又甜 你會好自然地一口接一口食左佢~ 忘記咩野叫肥吧啦~~ Empress Cafe另一特色 就係提供掛牆位俾藝術家展出作品 當日就正展出一位周星馳迷嘅畫作 你又認得幾多句金句呢~？ Empress Cafe每一角都係店主嘅心思 每一件物品都係佢地親自搵返躩架呢﹗ 超愛呢對茶杯呀~希望下次嚟可以用到佢地啦~ 後來睇到傳媒報導Empress Cafe 關於店主一手一腳實現cafe夢 提醒我做人要有夢想，不要做咸魚呀~ 就以呢一張畫作結吧~ Empress Cafe G/F No.3 Ming Yan Lane, On Hing Mansion, Wan Chai, Hong Kong https://www.facebook.com/empresscafe 我的專頁：www.facebook.com/whitericebeauty
