假期所限,去旅行好多野都要fix死曬,已經唔可以好似大學果時咁邊行邊諗,有啲地方想再去都無可能,就好似以色列咁,呢樹係我最想去多次既地方之一。 以色列經常俾人有一種幾危險既感覺,但其實又未至於既,起碼我廿幾日周圍行通山走又jesus trail都好地地,淨係有日俾人爬左部nokia無左啲相姐,都無穿無爛番倒黎,唔係真係去加沙既其他地區其實都係ok安全既。 行以色列其實已經係大學Yr1(更正係Yr2)既暑假既事,廿幾日時間勉強兜左以色列一個圈,行程大概係咁: 海法>拿撒勒>提比里亞>耶路撒冷 首先我係搭Baltic air 係莫斯科飛去到Riga轉機再飛去Tel Aviv 附近既 Ben Gurion Airport,之後再搭火車去海法,由海法開始玩起。大家亦可以逆方向咁玩,不過如果大家對行山有興趣又想試下學耶穌咁係家鄉拿撒勒行去加利利海既話,跟我咁行就最正路,之後有時間既仲可以行埋埃及同約旦。 講番海法先,海法呢個城市係依山而建,好多景點都係半山上面,包括咩野世界中心個花園同啲教堂,所以建議大家唔好好似我咁大熱天時仲為左果一個幾毫唔搭地鐵上山仲有就係因為好多地方好似商場火車站都有check point 要搜身過X光機,建議大家唔好帶咁多野係身。另外,最緊要就係帶夠錢勒,因為以色列既物價係拍得住西歐既,想洗少啲就好似我早餐食hostel晚餐餐餐整蕃茄雞煮蝦子麵啦。 街景 I love Haifa!! xx世界中心 xx世界中心後花園 自己啲相自己沖,第一次沖既135菲林都沖得尚可接受; 對比其他以色列既城市,海法絕對係好好既起點,景點多,除左個世界中心仲有不斷repeat又repeat既教堂同耶教遺址,耶教徒至愛!有時間仲可以去埋北面近住黎巴嫩既古城Akko,不過去到果度既舊城區就要小心自己既財物,唔係既就會淪落到俾人爬左部nokia無曬啲相既下場…搞到成程都要用廢柴skype phone 同菲林機影…操你媽! To be continued