經過係海參崴兩日既休息後,我又再踏上旅途,終於都去今個trip既重頭戲-全世界最凍既其中一達地方之一—雅庫茨克。由於時間所限,有好多野想玩但係無玩到,好似join團行Road of bones去流刑地馬加丹,去睇lena pillar又或者搭飛機去北面港口提克西上船出海睇北極光,最後簡無可簡之下唯有係城市等運到搏睇倒極光。 飛去到雅庫茨克已經係夜晚,一落機已經負3x幾度,果然係名不虛傳,還好係機度已經換曬衫著到最厚,雖然仲有巴士出市中心,但為免係搵酒店既途中凍甩鼻或者手指,所以一早book左機場隔離間酒店,係果度等天光先出市中心。 達陣!世界最凍城市! 第二照即刻搭返機場門口搭巴士去市中心,由於間酒店Tygyn Darkhan (我稱佢為大汗酒店)正正就係市中心,old town隔離,非常方便,差唔多係人都知,所以上車問人邊到落就ok,不過真係要book間容易搵既酒店,係呢啲咁既天氣攞全行李搵酒店簡直係找屎,仲要記得要帶handcream,如果唔係就會好似我咁手指關節乾到爆開曬流血流一到成個手套都係==。去到酒店安頓好之後,又係時候周圍鞏! 點擊圖片放大 +2 日頭都係得果3x度,local話已經算暖,但我既裝備實在唔夠,令到我好有想買件皮草既意慾 啲魚凍到都唔洗放落冰櫃,因為已經係冰櫃裏面 呢區除左出名出產鑽石,長毛象骨亦係其中一樣土產,雖然咁講,個長毛象博物館未免太兜踎,又霉又暗,得一隻長毛象咁大把,不過呢啲都係俄羅斯城市博物館既共同特徵 由於網上話呢區都有機會睇倒極光,而我比較有興趣就係睇極光,所以一到夜晚我就會出去望天打掛,但由於實左太凍,我都不得不要去超市買支vodka一路行一路飲,增加血氣運行! 越飲越沸騰,越夜越精神 點擊圖片放大 酒氣過後都要借火取暖… 當然我最後連極光條屎都見唔倒。係呢個被冰封既城市裏面,可以做既實在唔多,我以為我既裝備已經好夠,但咁諗實在太天真,不過好彩符碌撞棍,我係大寒潮之前就離開左呢樹,唔洗著住呢身裝備去接受負五十零六十度既洗禮,真係不幸中之大幸。 To be continued