係呢間公司度做之後,我又變返做一個旅人,係四圍遊走嘅旅程中,要講最值得去嘅地方首選梗係貝加爾湖。 呢個湖係西伯利亞靠住外蒙古果面既地區,被譽為全世界最深既淡水湖,讀大學果陣最想去既地方之一,估唔倒終於有機會黎呢度,真係不得了。 今趟行程係咁,首先係香港搭機去北京,北京過一晚夜,再搭照早機去伊爾庫茨克,係果樹搭van仔去個湖。 去到伊市一落機就即刻四圍搵地方兌錢,原來機場係得提款機,無找換店,新舊大樓都係,二十世紀機場居然無找換店,真係痴Q左線。所以大家一定要幫你張credit card開海外提款功能,如果唔係就要學我咁天寒地凍行乞凑旗出機場。係機場你可以搭巴士或者van仔去市中心,好多時小巴司機見你有行李會收你double,所以搭巴士最穩陣! 行乞成功後幾經波折成功搭巴士去到酒店,安頓好就立即去兌錢同搵tourist info centre問路,果然係有車去奧爾洪島,5百盧布,照早係巴士總站斜對面van仔群上車出發,之前email問過間係奧爾洪島叫nakita既旅館,話呢排淡季無車到要科水7千盧布book成架車,終於証實左佢地係9up搵蠢柒,唔知年中有幾多人貪方便中招。好,萬事俱備,第二照起行去貝加爾湖! 晨咁早負廿幾度又再出發,帶唔夠3凍到炸開! 第二照嗱嗱聲搭巴士去車站搭白牌van去貝加爾湖,一路搭下停下搭到晏晝3,4點去到湖果度,過多一陣終於都到左住果間M字頭旅館。 呢間旅館真係要講講,間房超大,連露台,又包兩餐,2百零3百蚊港紙,不過呢,間旅館條明渠係間房入面外露出黎無野罩住,如果你好似我咁住下層,每次上面果層既人去沖涼,去屙屎屙尿甚至乎對住個屎坑大叫,下層既都聽得一清二楚,若然樓上唔沖曬涼屙清曬啲屎尿,真係唔洗旨意訓… 露台大過間房,,,問你死未! 話曬初到貴境梗係出去探路啦,奧爾洪島既溫度果然凍過伊爾庫茨克,又厚雪,行行下開始唔對路,對palladium雪boot完全唔掂得果樣,啲腳指凍到無感覺,即刻番入去加暖包係腳度,搞搞下又天黑,唯有食完飯再出過去影星。 夕陽無限好 係食飯果陣,個職員不停咁說我join個day tour,想靜靜地食餐飯都唔得…最後都應承左==。 第二日晨咁早食早餐食完就行開始個tour,雖然好憎俾人夾,但老老實實係值得join既,不過就有啲危險囉痴線,起行前果職員先同我同果對德國夫婦講前排有漁夫揸車去島北部捉魚,捉捉下魚啲冰裂左,之後連人帶冰飄走左而加失左蹤,不過我地睇過呢個星期啲冰又實番無問題咁話喎,俾完錢先講你唔好拜山至講!無奈已經俾左錢好sure唔會退番,掉那媽,頂硬上! 個職員講果幾柱講到眉飛色舞,我唯有都扮到好似果兩個德國夫婦咁好有興趣影相啦… 我想睇呢啲囉唔該 睇完幾碌柱之後竟然話要落坡睇前面舊石,順便搭車,其實我對薩滿教無咩興趣,對palladium又唔啜地你叫我行落去不如你叫我直接碌落去好過啦仆街! 我地既坐駕 強顏歡笑…實在太凍 食冰係要咁食 點擊圖片放大 好彩全程都無驚險野發生,係去到北部一聽到嚨嚨冧樓聲個職員叫我地即刻唔好行,因為有冰裂左咁樣之外,係唔錯個tour。 始終留係島既時間實在唔夠,第四日搭車去返伊爾庫茨克,離返去仲有兩日,無所事事唯有係呢個被稱為地中心既城市行黎行去,好普通既一個俄羅斯城市,悶到暈低個城市。 Angara river