呢個係我第一次寫既遊記,由於個trip係半年前既事,如有甩漏請多多見諒！ 呢次俄羅斯遠東之旅行程係咁:哈巴羅夫斯克→海參崴→雅庫茨克→赤塔→滿州里→北京→香港,城市位置大概係咁: 首先當然要講既就梗係哈巴羅夫斯克啦! 哈巴羅夫斯克原名叫伯力,好耐之前屬於中國,俾俄羅斯搶左之後就一直攞唔番,佢既位置正正就中國地圖裏面雞咀個篤篤果度,其他自己查wikipedia啦。 1月2日零晨時份我終於到左海參崴,因為唔諗住挨火車沿地圖個公雞頭咁行所以決定飛左去伯力先,之後再飛番去海參崴。第二班機係照早10點先飛,唯有無所事事係機場等天光,等既時間知道左一個驚人既消息,原來1月1至10日倒係俄羅斯既聖誕節,大部分鋪都唔開,連銀行都唔開,無得換盧布,搞到我苦腦左成晚,不過好在身上仲有幾百盧布,夠搭程車食隻熱狗,見步行步啦。 海參崴機場 大概中午時間終於飛到伯力,除左city walk 之外,就係周圍搵銀行,搵左好耐,最後終於搵倒會開,不過係幾日後,仲要係飛番去海參崴果日，當堂棟左係度。好在而加再人偏僻既地方都可以用卡,而且又帶左充足既合味道,頂到幾日,好彩果日之後搵倒間找換店,一天都光曬! 街景 搵笨柒座騎 第二日兌左錢買水呀麵包呀乾糧又買埋,之後拿拿聲放低啲野去酒店後面既黑龍江行番個轉! 黎遠睇都知不得了啦呢條黑龍江 好威wo阿叔釣倒條魚毛 膽搏膽,人過我又過 行呀行一開始都仲頂得住,點知過到半路開始黎料,本身零下廿度都已經好難頂,再加上啲風四面八方咁吹黎,耳仔鼻同手指凍到無感覺,啲鼻水不停咁流,加上挨左晚夜,訓得晏都恢復唔倒, 無幾耐真係頂唔順,唯有打道回府,明日再戰! To be continued… (好似好frdXD…下回分解)
