觀塘真係幾多食台式嘢嘅地方最近朋友坐巴士見到又有新台式餐廳開張，建議搵日一齊去食。久唔久比朋友記起，其實真係好窩心☺️ 尤其而家疫情，約人出街食飯真係一啲都唔容易。講返間食店先，店名真係超級長😂環境好舒服，有落地大玻璃，望住busy嘅觀塘道食嘢，畫面好動感㗎 😂 去嘅時候適逢係試業期間，食物選擇唔算好多，不過質素唔錯，價錢抵食，職員服務好好。今次叫咗幾樣嘢：✪ 紅燒牛肉湯麵套餐 $88 - 牛肉麵好大碗，牛筋夠軟淋，牛肉大大件，唔乾柴，牛味都幾濃，湯底清甜帶微辣。 最鍾意佢啲麵條，加埋蟲草花一齊食，好爽口，感覺幾健康。最搞笑有隻太陽蛋 🤣🤣有少少流心其他配菜，最深刻就係蝦乾仔 椒鹽味夠台式又香口，如果脆啲會仲好食✪ 肉鬆起司蛋餅 x QQ 紫芋波 $48 - 呢個蛋餅，蛋味幾香 芝士仲會拉絲 幾舊蛋餅看似好少，但食完飽㗎！另外，QQ紫芋波炸得香口 甜度適合唔鍾意太甜嘅人(eg. me) 食落有芋頭味，好似仲有少少吉士，又幾好食喎✪ 烏龍奶茶 - 2個餐都有跟飲品！ 咁啱朋友 & 我都想飲奶茶，一杯凍一杯熱，個人推介飲熱嘅好啲，各樣嘅味道都會balance啲，凍飲嘅話會比冰沖淡。呢杯奶茶偏向茶味多啲，茶底好香。下次要試吓佢哋嘅茶飲先。‼️♿️ 室內環境好鬆動 枱櫈亦可以移動，相約兩至三位輪椅朋友一齊亦可。但食店正門有一級，坐輪椅嘅話，要兜入停車場(巧明街)，裡面有斜梯駁入創紀之城一期嘅lobby，食店就係同一層。.....📍哥哥添飯•妹妹泡茶 (觀塘)觀塘觀塘道388號創紀之城一期地下6號舖
