自己對於以茶葉做主題嘅cafe非常感興趣，一來鍾意飲茶，二來用茶做成嘅甜品一向都係my favorite... bookmark咗basaotea 已有一段時間，當知道呢間Cafe嘅時候就好想去，但當時實在好多人去朝聖，而且又係銅鑼灣嘅街舖，曾經擔心會好唔方便輪椅去，原來我諗多咗😆 ‼️♿️ 首先門口原來係平路，而且Cafe裏邊有矮枱又可移動 空間感都好唔錯，輪椅朋友可放心一去。另外，佢哋有限時90分鐘。一睇Menu就有好多嘢嘗試，最終揀咗以下幾樣：🔸 Double match mousse cake - 整件cake嘅賣相真係不得了，如果聖誕節嚟嘅話會更加有氣氛。不過唔緊要，本人主打專注內涵。蛋糕嘅茶味好Rich，mousse亦好滑，每食一啖，口裡都係充斥住抺茶，有回甘。Raspberry同matcha mousse好夾！甜度都OK🔸抹茶牛油果梳打特飲 smoothie嚟嘅但超正！完全無諗過抹茶同牛油果係朋友，每飲一啖都覺得好奇妙，2樣好balance，會想一啖接一啖飲落去，而且飲飲吓會有一陣花香，感覺似桂花?! 又係好特別🔸大紅袍黑糖麻薯卷蛋 嗯🤔 自己無飲過大紅袍，所以唔係好知咩味，不過黑糖味有啲強烈，令到食蛋糕嘅時候唔太食得出茶嘅味道，好在蛋糕夠軟又幾濕潤。🔸Rock onlong tea latte岩茶牛奶 好飲呀！茶嘅比例佔多啲，完全覺得茶先係主角，而牛奶只係輔助。而且無乜甜味，用嚟配cake就perfect喇。.....📍 BASAO tea (銅鑼灣)銅鑼灣白沙道16號地舖
