一個無時間觀念嘅人,比一間食店收服咗😅🤣點解?遲少少會大排長龍囉!再遲多少少,賣完就無喇!So,汲取教訓後就會精精靈靈,早早出門,順利達陣✌🏻 排隊果陣已選定食乜:要咗「香酥排骨便當」 少飯, 鹽酥口味。其實就係鹽酥雞嘅味,但換成豬扒!我想講,塊豬扒真係不得了,巨大型!連續嘩嘩嘩嘩嘩咗好多聲🤣🤣一夾起好有氣勢 🤣 但唔夠力夾起一整塊!好脆!唔會𠝹口!豬扒無乜肥肉,偏瘦嘅,但我鍾意呢款,起碼唔會覺得好油膩,食落會feel到較強胡椒粉 & 五香粉,而台風係偏向呢個style嘅...豬扒底層又係另一番精彩 一共有五款配菜:蒜香菜心、香辣炒冬粉(粉絲)、雲耳炒野菌、本日涼菜、溏心蛋(勁好味)!每一款都好好送飯,淨食呢幾樣已經好滿足又夠飽,加埋豬扒真係,飽到只識傻笑😆呀!佢杯「南投炭火烏龍茶」 好飲喎,最正係無糖,茶味幾濃,飯後就perfect池喇!便當size真係好足料,大家可以積極考慮一個餐2個人share,再叫多一個小食?!選擇少飯亦係方法之一,食唔完包走亦可。千祈唔好浪費食物,因為當日望到隔離枱食咗1/4就放棄唔再食,無敵浪費囉!‼️♿️ 門口有級,輪椅朋友要自備斜板呀! 已問食店,佢哋無ramp提供。店內有啲逼,但一入食店嘅矮枱係相對OK,又或者入食店後左手邊嘅高枱都可以,但大前提輪椅要有升降功能先得。 ....那個ㄋㄚˋ ㄍㄜ˙ (大角咀)大角咀埃華街116-118號地下8A號舖