早前嘛，嚐過出色嘅黑芝麻後，對佢完全改觀，未至於愛上嘅，但接受程度一定高咗，見到朋友/ig介紹都會想去試吓。 最近喺ig望到呢杯「麻糬黑芝麻烏龍鮮奶茶」 ，心諗：點解杯嘢飲唔搖勻先飲嘅？ 🤣(大鄉里) 嗯...出去飲吓咪知點解囉 ‼️♿️ 舖頭喺The One，超級方便輪椅朋友去。買走飲又得 ，坐低飲都得，不過埋枱坐嘅時候(留意黃黑色) 會發現地上有一級，唔係好明點解要整一級？！不過唔算好高嘅，如果無會好啲囉水墨風嘅飲品的確少見，成品出嚟係吸睛嘅，揀咗少冰少甜。以為杯飲品會杰身，又唔係喎。黑芝麻好濃，有沙沙嘅口感，飲得快會濁喉，記住要慢飲(我講我)如果芝麻再炒香啲會更吸引。因為芝麻味較濃，其實唔太飲到烏龍嘅味。麻糬粒帶有甜味，煙韌之中偏軟。 水墨風style嘅嘢飲仲有其他三個選擇 有一款會留待下次再試😇.... 茶墨 (尖沙咀)尖沙咀彌敦道100號The ONE 4樓L411號舖
