驚喜！好驚喜！有驚喜！第一次上「bakerie.c 」係零準備嘅eg. 無check營業時間、無check當日口味...完全係諗起就去...好在係有開門嘅😆由於第一次去，店員姐姐就講解一下蛋糕，因為齋望名可能未必知道係咩味。最後選咗「一抺 」& 「雲海」 ... Wow！ 😳 好食喎！係2個都好食！！ 先講「一抺」 憑顏色已經估到係抺茶。抺茶味濃，有回甘。食食吓鹹鹹哋又甜甜哋，原來係海鹽焦糖醬！抺茶點都係需要糖份去引出茶味，而焦糖甜度剛好，應該係比鹽嘅鹹平衡返。三種味道配合得好好，好有驚喜！一路食，啲醬一路流出嚟，係呀，當蛋撻咁用手食🤣所以場面有啲狼狽，無手騰出嚟去影相。真心jeng另一款叫「雲海」 加少少想像力就明點解。表面果層係 #棉花糖 ...唔好講笑，其實件cake隔咗幾個鐘先食，但棉花糖口感好正，有食過BBQ燒過果款棉花糖嗎？exactly果隻feel，好神奇！點解個texture可以keep到咁耐嘅😳 至於中間係朱古有餡，好似60幾%，唔會太甜，rich嘅，好食。但如果朱古力可以再苦多少少就好啦，因為棉花糖已好夠甜，佢哋甜度絕對可以handle少甜度嘅朱古力。至於個批，好食，唔太甜，脆口嘅，仲食到nuts，零油膩。好Like！（好詞窮 😂淨係識講好食 🤣)cake shop一共有12款口味嘅cake，但每日只會提供6款，想知邊日有邊隻味，記得睇佢哋IG呀！！逢星期日休息。 好鍾意佢哋張卡片，整得好靚，而家keep起咗做裝飾☺️‼️♿️ cake shop係工廈，好方便輪椅去㗎，大家快啲試吓連鎖以外嘅cake啦，真係好有分別㗎！ .....Bakerie.C (觀塘)觀塘興業街14號永興工業大廈6樓C9A號舖
