原本想試嘅食店去到已截龍...（無癮）當時好肚餓，唯有是是但但搵一間舖...但求 #輪椅 可以入舖就OK...而被選中嘅食店就係「老厝邊」！估唔到食物質素又幾好喎，價錢又親民。好！介紹吓食咗乜先：鹽酥雞 — 新鮮炸起，每舊雞會出煙㗎！而且有肉汁！炸粉幾薄，有酥脆口感，最正有炸咗嘅九層塔，加埋雞一齊食，正。個人嚟講，呢份鹽酥雞係高質嘅，係鹹咗少少啫。芋泥芝士肉鬆蛋餅 — 一嚟到‘’Wow'‘咗一聲，因為超大份！好重手😂最初會擔心肉鬆會好搶，蓋過芋頭味，又唔會喎！又以為芝士好鹹咩，又無喎！芋泥幾滑，仲食到蛋香。好食！ 碟上嘅汁，帶甜，不過又幾match with蛋餅，好有趣嘅組合！同時亦好飽肚😂紅燒半筋半肉麵 — 湯底濃但無過鹹，好飲嘅。牛𦟌大大塊又軟淋，牛味好唔錯。牛筋好食，唔會軟到化開，仲有咬口嘅。而蘿蔔juicy無渣👍🏻滷肉飯 —叫咗細size，但份量唔少㗎。食落較鞋口，可能瘦肉多，其實果幾片青瓜先係亮點，好係台灣食到嘅味。‼️♿️ 食店係街舖，門口有一小級嘅，但真係好細級好矮 輪椅要入都好容易嘅，室內枱櫈又可以移走 大家不妨一試呀。 ....老厝邊 (大角咀)大角咀埃華街92號地下
