weekday有假放係難得嘅...於是早早約咗玻璃一齊去深水埗...搵食...可能大家未必知，除商場外，一般嚟講要搵一間小店可以容納2部輪椅，真係有難度。但絕對有機會可以搵到，秘訣係要夠早！越早越好！最後我哋揀咗「Flow」 點解？因為佢嘅門口有斜梯！可以比輪椅入到！！要咗抺茶cake，樣子吸引，軟熟濕潤，唔會太甜，茶味討好，少少回甘。 加杯咖啡💯 最特別係蘋果梳打！ 完全唔係無靈魂嘅糖漿死甜，蘋果味亦唔太假，底層有果肉，食得出唔係罐頭，好有心思！木杯墊超鍾意！‼️最近深水埗的確多咗好多cafe，但能夠比輪椅入到嘅真係唔多，因為舊區，街舖為主，明白嘅。所以一見到「Flow」 有ramp，真心覺得意外。 今次同坐輪椅嘅fd子一齊去，勁早就到，好似係食店開門後10分鐘就出現。cafe空間真係唔大，但店員好welcome我哋，又不斷遷就，又移枱又移櫈，最後順利入到去坐，又可以hea住食又傾吓計，好開心㗎真係，超鍾意滿滿人情味嘅小店！.....flow (深水埗)深水埗大南街195-201號興基大廈地下3號舖
