慢人十拍之依家先寫「素年」 🤣 素年有幾出名就唔多講啦其實早係上年食過一次，因為拖延症...所以一直冇出post。咁點解而家又講呢？事緣隻手受傷(黑仔)唔太可以煮飯，然後見到有外賣平台竟然同「素年」 合作...諗都冇諗，即落單！嗚～ 食物到手仲係暖㗎，份量超級大🤣亦因為咁，呢幾日嘅午餐晚餐就解決到(鬆一口氣，呼～)哈，及時雨。 一於嚟過順水推舟，順便介紹啦。因為係上年食過，有啲飲品或者食物可能已經冇再推出，就當記錄一下，話唔定遲啲有快閃又或者重新推出呢...1. 泰式香辣不可能肉碎意大利粉 呢個超級好食！愛食辣嘅人會好鍾意，意粉入面有菇、蘆筍、蕃茄仔、Impossible meat(口感勁似肉)唔油膩，夠乾身。呢個dish已encore好多次，超愛！2)吉列豬扒三文治 第一次食素豬肉，好impressive，有好多下錯覺都覺得自己食緊真嘅豬肉，但記住要趁熱食，凍咗嘅話口感上會有分別，但味道係好食嘅。3) 黑松露醬番薯條 大推介，好好食。番薯條夠甜但唔會過甜，而且炸得好乾身，唔會油淋淋，同黑松露醬非常夾。4) 凍伯爵茶雖然冇入鏡，本身自己唔鍾意飲伯爵茶，但鍾意伯爵茶葉製嘅食品或飲品，冇諗過淨飲伯爵茶可以咁好味，零澀味，好易入口。推介！5. 薄荷朱古力咖啡 呢個又係另一驚喜嘅飲品，平時飲開嘅薄荷朱古力咖啡，好多都係糖漿嘅味道再加咖啡。但呢間係飲到好純粹嘅薄荷味，經過喉嚨會涼浸浸，而朱古力、咖啡、薄荷三種口味嘅嘢係共存到，唔會搶味，balance得好好。但呢款飲品好似冇再出喇，曾經inbox佢哋，話好掛住呢杯飲品，希望佢哋考慮重新再推出🤣🤣唔知有冇機會呢☺️🤣 ‼️位於福華街嘅總店，係最方便坐輪椅嘅人去，因為門口係斜梯，枱枱櫈櫈都可以移動，店員好好人㗎，同佢哋講聲就會安排座位。....素年 (深水埗)深水埗福華街191-199號福隆大廈1號地舖.kcafe
