有次無意中喺旺角發現呢間小店...食過佢哋嘅抹茶雪糕，一試就愛上，想再次幫襯嘅時候，竟然無做喇，當時覺得好可惜，因為佢哋嘅抹茶產品真係好高質！好在有follow佢哋IG，原來搵到新地方，捲土重來！所以一定要再去！今個週末終於有空間喇，新舖地方大咗，又有得坐。除有high table之餘，亦有矮枱，坐輪椅嘅朋友大可放心，升降機一出就係間cafe。今日去到，多得有枱食客願意轉坐高枱而讓出矮枱，謝謝你哋🙏🏻🙏🏻記得之前飲過嘅抹茶檸檬梳打，好想回味下... Wooow！水準依舊，好得👍🏻👍🏻賣相仲好鬼靚，綠色控見到一定會好high😍🤣🤣（🤚🏻ME！）另一杯係抺茶latte 好好好好飲！最正係有咖啡！！ 正好滿足想飲咖啡嘅同時，又止一止抹茶癮。原來兩者可以好match，但又可以試到兩者本身嘅味道，唔會互搶風頭，好鍾意呀！大推介！ 下次去旺角，又多個好地方飲嘢啦 ☺️☺️....Cafehachiko 八屋 旺角彌敦道575號Ladder Dundas 8樓
