《放工快煮系列》蜜糖芥末煎雞扒呢個蜜糖芥末煎雞扒又係一個超級簡單又好味嘅放工快煮食譜 😉，雞扒嫩滑juicy，連平時唔係太好雞扒嘅男友都話好好味。個蜜糖芥末醬仲可以用喺好多其他菜式，好百搭 👍🏻！點擊圖片放大 更多中英食譜分享：FB：https://www.facebook.com/whatsboomaking2/IG: https://www.instagram.com/whatsboomaking/**蜜糖芥末煎雞扒材料 (2人份)：去骨雞髀扒 2件 (約300g)鹽、黑胡椒 隨口味蜜糖芥末汁：法式芥末 15g原粒芥末籽醬 30g蜜糖 40g檸檬汁 1湯匙蒜蓉 1茶匙煙燻紅椒粉/卡宴胡椒粉 1/8茶匙 做法：1. 混合醬汁。雞扒用廚房紙印乾，用醬汁醃最少30分鐘 (或前一晚醃定)。2. 下少許油中火熱鑊。雞扒下鹽、黑胡椒調味，皮向下放入平底鑊，煎至雞皮金黃。反轉另一面煎香表面後，合蓋，轉小火煮數分鐘至熟透。盛起，靜置數分鐘後切件。3. 平底鑊內倒入餘下醃料，小火煮至收汁，淋上雞扒，即成。
