《居酒屋料理:山藥燒》盛產於日本群馬縣嘅大和芋係山藥 (鮮淮山) 嘅一種,有多種營養素,包括維他命B (有助補充日常生活消耗能量,消除疲勞感)、鉀 (有助去水腫、預防高血壓)、大量食物纖維 (有助阻止血糖上升、通便便),係非常健康嘅食材 👍🏻。大和芋係日本山藥中嘅頂級品種。新鮮即磨嘅大和芋蓉綿密又帶天然甜味,而且生食最可以保存當中嘅營養素,所以日本人鍾意加喺飯或麵上面食。不過未必人人接受到生食黏滑嘅口感 🤭,其實仲有好多簡單煮法,今次就用嚟整一個日本居酒屋常見嘅小食:山藥燒。大和芋蓉令外面香口,中間口感鬆軟 😋,下酒小酌一流 🍻🍶!點擊圖片放大 更多中英食譜:FB:https://www.facebook.com/whatsboomaking2/IG: https://www.instagram.com/whatsboomaking/**山藥燒材料 (1-2人份):大和芋 250g低筋麵粉 30g蛋 1隻日本醬油 2茶匙味醂 1茶匙日式高湯/水 2湯匙 做法:1. 大和芋洗淨去皮磨成蓉 (記得帶手套處理),混合其餘材料。2. 下油中火熱鑊,倒入混合物,煎至底面金黃,將一半折起覆蓋成奄列形狀。合蓋,轉小火煮約4-5分鐘至定型、熟透。按喜好加上各種醬汁、配料 (如日式豬扒醬、蛋黃醬、鰹魚片、海苔),即成。