《鎮江排骨+溏心蛋》酸酸甜甜嘅鎮江排骨係我好鍾意嘅菜式，醬汁撈飯可以食好多飯 🍚，加咗兩隻溏心蛋更滋味 😋。呢個菜式亦可以用排骨粒，煮嘅時間可以短啲，不過我比較鍾意用一字骨，啖啖肉 😆。 更多中英食譜：FB：https://www.facebook.com/whatsboomaking2/IG: https://www.instagram.com/whatsboomaking/**鎮江排骨材料 (2人份)：一字排 600g薑片 4-5片蒜頭 2-3瓣蔥白 6-8段冰糖 15g + 水 1湯匙醬汁：紹酒 1湯匙生抽 2湯匙糖 3湯匙鎮江香醋 4湯匙水 5湯匙 做法：1. 煮溏心蛋。一鍋水內下1茶匙鹽及醋 (水位要足夠完全蓋過蛋)，煮滾後轉中小火，小心放入蛋，計時七分鐘，間中攪拌一下讓蛋黃置中。準備一碗冰水。七分鐘後立刻撈起蛋放入冰水冷卻。用匙羹背面輕輕敲碎蛋殼再浸一陣，剝殼備用。2. 排骨略沖洗，放入一鍋水，下 (份量外) 1茶匙胡椒粒、1湯匙紹酒、2條蔥、2-3片薑。小火跑活水迫出血水及污物，水滾前撈起，沖洗乾淨印乾備用。3. 下油熱鑊，中火爆香蔥白、蒜頭、薑片，再煎香排骨表面，盛起備用。4. 炒糖色。放入1湯匙水，再放冰糖，小火翻炒至冰糖融化及轉焦糖色，放回排骨炒勻。5. 加入醬汁拌勻，蒜頭、薑片，煮滾後合蓋，小火煮25-30分鐘至排骨軟腍。轉中大火收汁至理想濃稠度。試味，按需要調味，放入溏心蛋，即成。
