《放工快煮系列》日式南瓜香菇雞肉炊飯 🎃好凍啊！呢個南瓜香菇雞肉炊飯就好似日式煲仔飯，食完暖笠笠 😋！材料做法都好簡單，今次我用鑄鐵鍋，先炒香材料再煮飯，想再簡單啲可以直接將所有材料放電飯煲就可以。點擊圖片放大 更多中英食譜：FB：https://www.facebook.com/whatsboomaking2/IG: https://www.instagram.com/whatsboomaking/**日式南瓜香菇雞肉炊飯材料 (3-4人份)：去骨雞髀肉 300g本菇 150g洋蔥 半個南瓜 100g甘筍 小半條米 2杯日式高湯 280ml + 鰹魚汁 45ml味醂 1湯匙醃料：日式醬油 1湯匙蠔油 1茶匙日本料酒 1茶匙糖 1茶匙胡椒粉 少許 做法：1. 雞髀肉用廚房紙印乾，切約2cm大小，用醃料醃15-20分鐘。米洗淨，浸30分鐘。菇、洋蔥、南瓜、甘筍切小粒。2. 鑄鐵鍋內下少許油熱鍋，中小火炒香洋蔥後，加入菇、南瓜略炒，下味醂同炒約1分鐘。3. 加入米、高湯、鰹魚汁，中火加熱至水現魚眼泡，間中攪拌以防黐底。合蓋，轉小火煮3-4分鐘至冒煙。4. 加入雞肉、甘筍，合蓋續煮約8-10分鐘，間中移動鑄鐵鍋讓煲底平均受熱。5. 熄火，焗10分鐘至材料熟透，即成。小小tips:1. 煲大小及爐頭火力 (我用明火) 不同會影響煮飯時間，按需要自行調整。2. 米：水比例1：0.8～0.9，可按喜好調整，比平常煮飯水量少因爲材料會出水。
