《放工快煮系列》日式燒汁煎豆腐呢個日式燒汁煎豆腐材料同做法都好簡單，醬汁甜甜哋，送飯一流啊 😋！第一次整我用普通壽司紫菜，第二次我用咗味付海苔，我覺得效果更好，一路整一路偷食咗幾塊 🙈。 更多中英食譜：FB：https://www.facebook.com/whatsboomaking2/IG: https://www.instagram.com/whatsboomaking/**日式燒汁煎豆腐材料 (約9件份量)：硬豆腐 500g味付海苔粟粉 適量芝麻、蔥花 隨口味醬汁：日本醬油 2茶匙蠔油 1茶匙味醂 1茶匙蜜糖 1茶匙水 3湯匙 做法：1. 混合醬汁備用。豆腐表面撒少許粗鹽，上面放重物，靜置約30分鐘讓豆腐釋出多餘水份、用廚房紙印乾、切約1.5cm厚件。2. 每件豆腐包上一片味付海苔，各面薄薄灑上粟粉。3. 下油中火熱鑊，放入豆腐，靜置煎至底面金黃 (約數分鐘)，小心反轉再煎香另一面，倒入醬汁煮至收汁，撒上蔥花、芝麻，即成。
