《放工快煮系列》親子丼超級無敵簡單嘅親子丼我超愛 💛，作為蛋控基本上所有滑蛋類菜式我都不能抗拒 🤭。諗起好多年前去京都，有一間歷史悠久專門做雞肉料理嘅餐廳，午市獨沽一味只賣親子丼配雞白湯，望住庭園景，簡單但每一啖都好幸福 😌！親子丼其實即係滑蛋雞肉蓋飯，配埋日式鹹甜醬汁係不敗嘅組合 💯！15分鐘內煮好。我有先炒香洋蔥同輕輕煎香雞肉，不過呢個optional係個人喜好，可以省略。點擊圖片放大 更多中英食譜：FB：https://www.facebook.com/whatsboomaking2/IG: https://www.instagram.com/whatsboomaking/**親子丼材料 (2人份)：蛋 2隻雞髀肉 250g 切一口大小洋蔥 半個 切條日式高湯 120ml日本醬油 2湯匙味醂 1湯匙日式料酒 1湯匙糖 2茶匙 做法：1. (可省略步驟) 下少油熱鑊，中火炒香洋蔥，稍微煎香雞皮表面。2. 蛋順同一方向略為打勻備用。加入高湯、醬油、味醂、料酒、糖拌勻，滾起後 (如省略步驟1，此時放入雞肉及洋蔥) 中小火煮約4-5分鐘。3. 轉小火，劃圈均勻淋上蛋液，合蓋煮約30秒-1分鐘至蛋呈半熟狀態，放上飯面，即成。
