《放工快煮系列》雪碧檸檬雞翼雞翼嘅煮法層出不窮，真係食極都唔會厭 😋！呢個雪碧檸檬雞翼做法超級簡單，唔洗醃但非常入味，味道酸酸甜甜好開胃而且肉質嫩滑 👍🏻！強烈推薦大家試下 😉！ 更多中英食譜：FB：https://www.facebook.com/whatsboomaking2/IG: https://www.instagram.com/whatsboomaking/**雪碧檸檬雞翼材料 (3-4人份)：雞中翼 12隻雪碧/七喜 200ml蒜蓉 1茶匙乾蔥碎 1茶匙 紅辣椒絲 1茶匙檸檬汁 半個份量鹽、黑胡椒 隨口味 做法：1. 雞中翼沖洗乾淨、印乾，用少許鹽、黑胡椒調味。2. 下少許油熱鑊，皮向下放入雞翼，中火煎香至雞皮金黃後反轉另一面煎至轉色。倒入雪碧，合蓋轉小火煮約2分鐘。3. 開蓋，轉中大火，下鹽、黑胡椒調味。收汁至約一半後下蒜蓉、乾蔥、紅椒絲炒勻，續煮至雞翼吸收大部分醬汁。熄火，淋上檸檬汁，即成。
