《放工快煮系列》熔岩芝士泡菜炒飯零技巧同可以極速煮好嘅泡菜炒飯，最啱忙完一日後快趣搞掂又好味，一鑊到底，仲可以順手清雪櫃。今次我加埋混合三種芝士嘅熔岩芝士，super cheesy and yummy 😋！芝士控必試 🧀！ 更多中英食譜：FB：https://www.facebook.com/whatsboomaking2/IG: https://www.instagram.com/whatsboomaking/**泡菜炒飯材料 (2人份)：冷飯 2人份量泡菜 (連泡菜汁) 200g 切碎洋蔥 1小個 切小粒金菇 100g 切段蒜蓉 1茶匙豬肉片 約250g蛋白 (可省略)糖 1茶匙麻油 1茶匙韓式辣醬 1湯匙 (按口味增減)芝麻、紫菜碎、蔥粒 隨喜好 (可省略)鹽、黑胡椒 隨口味熔岩芝士：淡忌廉 80ml鮮奶 40ml芝士 (我用provolone+parmesan+mozzarella) 大量 🤣！ 做法：1. 下油熱鑊，中火炒熟蛋白，盛起備用。豬肉片用少許鹽、黑胡椒、料理酒調味，煎香至轉色後盛起備用。下洋蔥、蒜蓉炒香，再下金菇同炒。2. 泡菜先用鑊鏟輕輕壓出泡菜汁，再下鑊炒至略為乾身。下韓式辣醬、糖炒勻。3. 下冷飯炒至鬆散，加入泡菜汁炒勻。放回豬肉、蛋白炒勻。試味，按需要再調味。熄火，下麻油炒勻。4. 炒飯盛起至一大碗內，盡量壓實，再放回平底鑊中央。5. 混合淡忌廉、鮮奶，倒入平底鑊，撒上芝士，小火加熱至芝士融化醬汁濃稠，間中攪拌。撒上紫菜碎、芝麻、蔥粒，即成。
