平時如果喺餐廳點海膽意粉，起碼三四百蚊，而且海膽份量唔會多。自家製海膽份量鍾意用幾多就幾多，超級足料哈哈，海膽鮮甜味爆發 😋！今次用烏冬比意粉更易整，材料亦好簡單，唔洗30分鐘搞掂 😎。 忌廉汁入面淡忌廉同鮮奶份量可以按喜好調整，今次用咗half & half (即係各50%)，如果鍾意rich啲可以增加淡忌廉比例。 點擊圖片放大 更多中英食譜： FB：https://www.facebook.com/whatsboomaking2/ IG: https://www.instagram.com/whatsboomaking/ **海膽忌廉汁撈烏冬 材料 (1人份)： 海膽 隨喜好 (今次用咗一行半) 急凍烏冬 1包 清酒／白酒 30ml 淡忌廉 75ml 鮮奶 75ml 蒜頭 1瓣 乾蔥 1粒 切碎 無鹽牛油 適量 鹽、黑胡椒 隨口味 做法： 1. 食物處理器內加入淡忌廉、奶、蒜頭、海膽、鹽、黑胡椒，攪拌至幼滑 (如無blender亦可以用spatula盡量壓碎海膽再混入醬汁)。 2.下牛油熱鑊，中火炒香乾蔥後，下清酒煮至略為收汁。 3. 轉最小火，加入海膽忌廉汁，間中攪拌，煮至理想濃稠度。 4. 烏冬不用解凍，直接加入醬汁，軟化後再拌勻，充分沾上醬汁。試味，按需要再下鹽、黑胡椒調味。 5. 按喜好鋪上額外海膽，即成。
