《早午餐系列》鬆軟班戟 又香又鬆軟嘅pancake一定係大人小朋友最愛嘅其中一個breakfast/brunch item 🥞！最開心係toppings可以按喜好自由配搭 🤩！我最鍾意加大量whipped cream/楓糖漿/雪糕/雜果，鍾意鹹食可以放煙肉/煎蛋/芝士等，savory-sweet嘅配搭無得輸 😎！呢種pancake連我嘅小鳥胃食三四塊都唔會滯，好滿足 🤗！ 點擊圖片放大 +2 更多中英食譜： FB：https://www.facebook.com/whatsboomaking2/ IG: https://www.instagram.com/whatsboomaking/ 唔洗用pancake mix，自家製pancake其實做法超簡單！要pancake鬆軟濕潤其中一樣重要材料係buttermilk，喺大型超市可以買到。如果買唔到，亦可以用以下方法簡單自製替代品 😉： 每240ml (US 1 cup) buttermilk = 1. 量杯加入15ml白醋或檸檬汁，再倒入鮮奶至240m份量，靜置5-10分鐘會見到牛奶出現凝塊，即可使用；或 2. 量杯內加入180ml原味乳酪，再倒入水至240ml份量，即可使用。 **鬆軟班戟 材料 (可做約6-8塊份量)： Buttermilk 300ml 中筋麵粉 130g 蛋 1隻 打勻 無鋁泡打粉 1茶匙 蘇打粉 3/4茶匙 糖 5茶匙 鹽 1/4茶匙 無鹽牛油溶液 1湯匙 雲呢嗱香油 1/2茶匙 作法： 1. 混合麵粉、泡打粉、蘇打粉、糖、鹽。加入buttermilk、蛋液、牛油溶液，用打蛋器大致拌勻即可 (不用打至超幼滑)，加入雲呢嗱香油拌勻。讓麵糊靜置約30分鐘。 2. 下油中小火燒熱平底鑊。加入麵糊 (每塊約1-2勺)，表面開始出現氣泡及底部金黃後，翻轉另一面煎至金黃，即成。 3. 按喜好加上各種配料，即成。
