超級好送飯嘅簡易家常菜 😎。今次自製蒜蓉豆豉醬，先炒香再用嚟醃排骨，香到呢...🤤。墊底嘅南瓜同豆卜吸收哂啲醬汁，超好食！南瓜我鍾意用牛油南瓜，味道清甜，皮亦比較薄較易處理 😉。 更多中英食譜：FB：https://www.facebook.com/whatsboomaking2/IG: https://www.instagram.com/whatsboomaking/**豉汁南瓜豆卜蒸排骨材料 (2人份)：排骨粒 300g牛油南瓜 200g豆卜 6-8個 切半醃料：豆豉 2湯匙蒜蓉 2湯匙乾蔥 1粒 切碎薑蓉 1茶匙雀眼椒 1隻 切碎蠔油 2湯匙生抽 1湯匙米酒 2茶匙糖 1茶匙 做法：1. 排骨用廚房紙印乾備用。牛油南瓜去籽去皮，切約2cm x 2cm大小。豆卜煲滾水，下鹽灼5-6分鐘，搾出水份備用。2. 準備蒜蓉豆豉醬。豆豉略浸後印乾，拍爛／切碎備用。下油熱鑊，先下蒜蓉、薑蓉、乾蔥、辣椒中小火炒香，再加入豆豉同炒至香味釋出。稍為放涼後混合醃料其他材料，醃排骨20-30分鐘。3. 蒸盤內放入南瓜粒、豆卜墊底，上面放上排骨連餘下醃料。蒸焗爐先用原氣蒸模式蒸3分鐘預熱，然後蒸15-18分鐘至熟透，即成。如隔水蒸，水滾後大火蒸10-15分鐘，即成。
