《放工快煮系列》甜辣醬燒豆腐呢個甜辣醬燒豆腐做法超簡單，豆腐外脆內嫩，加埋惹味醬汁，送飯超正啊 🤤！煎豆腐建議用布包豆腐/板豆腐等比較firm嘅豆腐。我就鍾意用街市買嘅普寧豆腐，又滑又香豆味。先浸鹽水會令豆腐結實啲，煎嘅時候無咁易爛 👌🏻。 更多中英食譜：FB：https://www.facebook.com/whatsboomaking2/IG: https://www.instagram.com/whatsboomaking/**甜辣醬燒豆腐材料 (2人份)：普寧豆腐 2件粟粉 2湯匙蔥粒、芝麻 隨喜好 (可省略)醬汁：是拉差醬 2湯匙 (按喜好增減)楓糖漿/蜜糖 1湯匙水 3湯匙醬油/生抽 1/2湯匙米醋 1/2湯匙麻油 1/2茶匙黑胡椒 1/8茶匙 做法：1. 混合醬汁備用。豆腐先浸暖鹽水約半小時，瀝乾，再用廚房紙印乾，切塊。薄薄沾上粟粉。2. 下油中火熱鍋後轉中小火，加入豆腐，靜置煎香一面後再輕力翻面，直至各面金黃。3. 倒入醬汁，加入蔥粒，輕力炒勻讓豆腐均勻沾上醬汁，煮至收汁至理想程度，熄火。按喜好撒上額外蔥粒及芝麻，即成。 小小tips：1. 煎豆腐要有少少耐性慢煎，煎好一面再輕力翻轉煎另一面，就無咁易爛。
