《放工快煮系列》玫瑰醬大蝦意粉又一快靚正之選！玫瑰醬即係蕃茄芝士忌廉汁，因爲醬汁顏色而得名，加咗蕃茄醬嘅緣故，感覺無普通cream sauce咁heavy。另外一定要有cheese！用即刨芝士最好，如果唔係包裝碎芝士都ok。最好唔好用獨立包裝嗰啲片裝芝士，嗰類一般係合成芝士，加咗好多添加物，唔係真芝士！呢個pasta好味又易整，材料亦好簡單、容易買到，放工快煮一流！同場法式洋蔥湯食譜可以睇返 https://www.facebook.com/101518425398566/posts/292092873007786。 更多中英食譜：FB：https://www.facebook.com/whatsboomaking2/IG: https://www.instagram.com/whatsboomaking/**玫瑰醬大蝦意粉材料 (2人份)：意粉 2人份量 (我用130g虎蝦仁 8-10隻)洋蔥 1小個 切粒蕃茄 1小個 切粒蒜片 2瓣蕃茄意粉醬 120g淡忌廉 180ml辣椒碎 1/4茶匙 (可省略)Parmesan芝士碎 3湯匙 + 額外鹽、黑胡椒 隨口味 做法：1. 虎蝦仁解凍後略為沖洗，用廚房紙徹底印乾。下少許料酒、鹽、胡椒粉調味。2. 煲滾一煲水，下一茶匙鹽，按包裝指示減1-2分鐘煮熟意粉。保留部分意粉水後瀝乾。意粉煮好後加入少許橄欖油拌勻以防黏作一團。3. 下油熱鑊，中火煎香虎蝦仁至九成熟，盛起備用。原鑊下洋蔥、蒜片炒香。下蕃茄粒、意粉醬同炒。轉小火，倒入淡忌廉拌勻。加入parmesan、辣椒碎、鹽、黑胡椒拌勻。4. 小滾後加入意粉均勻沾上醬汁，放回虎蝦仁拌勻。試味，按需要再調味。按喜好額外撒上芝士碎，即成。
